આંદોલનની ચિમકી / VIDEO: ધોરાજીમાં જમીનમાં દટાઈને ખાતરના ભાવનો કર્યો વિરોધ, NPKના 1700 રૂપિયા ભાવ

• ધોરાજીમાં ખેડૂતોનું અનોખું પ્રદર્શન 
• જમીનમાં દટાઈને ભાવ વધારાનો વિરોધ 
• વિરોધ સાથે ઉગ્ર પ્રદર્શનની ચીમકી પણ 

વર્ષ 2022 માં ખેડૂતોની આવક બમણી કરી દેવાના કેન્દ્ર સરકારે કરેલા વાયદા બાદ હજુ પણ ક્યાંક ખેડૂતોને આ વાત પર વિશ્વાસ ના હોય તેમ વિરોધ કરી રહ્યા છે. આંતર રાષ્ટ્રીય કારણોસર ખાતરના ભાવમાં કમરતોડ ભાવ વધારો થતા ખેડૂતો ત્રાહિમામ પોકારી ઉઠયા છે. આ મામલે ધોરાજીના ખેડૂતો અલગ-રીતે પ્રદર્શન અને વિરોધ કરવા ટેવાયેલા છે. સ્થાનિક ખેડૂતો એ, જમીનમાં દટાઈ જઈને, માગણી કરી છે કે,કઈક યોગ્ય કરવામાં આવે. અન્યથા ઉગ્ર આંદોલન કરવામાં આવશે.  

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

અસહ્ય  ભાવ વધારા  સાથે વિરોધ 

સરકારે ઈન્ટરનેશનલ કારણો આગળ ધરી ખાતરના ભાવમાં વધારો ઝીંક્યો હોવાથી ખેડુતો ભાવ વધારાથી પરેશાન જોવા મળી રહ્યા છે. ખાતરના ભાવ વધારાને પગલે રાજકોટ જિલ્લાના ધોરાજીના ખેડુતોએ અનોખો વિરોધ નોંધાવ્યો છે.  ધોરાજીના ખેડુતોએ ખેતરમાં સમાધી લઈ ખાતરના ભાવ વધારા સામે વિરોધ વ્યક્ત કર્યો હતો. સરકારના કાન સુધી પોતાનો અવાજ પહોંચાડવાં ખેતરમાં સમાધી લઈ ખેડુતોએ પ્રદર્શન કર્યુ હતુ. જેમાં તેઓએ એમ પણ જણાવ્યુ હતુ કે, આગામી દિવસોમાં ખેડુતોની સમઓનુ નિરાકરણ નહી આવે તો ઉગ્ર આંદોલન કરવામાં આવશે. તમને જણાવી દઈયે કે એનપીકે ખાતરની 1 બોરીનો ભાવ જે 1040 હતો તેને વધારી 1700 રૂપીયા કરી દેવામાં આવ્યો છે.  આ ભાવ વધારાથી ખેડુતો ભારે નારાજ જોવા મળી રહ્યા છે.