એક્શન / સુરતની મહિલા PSI અને 2 પોલીસ કોન્સ્ટેબલને કરાયા સસ્પેન્ડ, કારણ ચોંકવનારૂ

• સુરતના ઉમરાના PSIના વિવાદનો મામલો
• મહિલા PSI સહિત બે પોલીસ કોન્સ્ટેબલ સસ્પેન્ડ
• નાર્કોટિક્સનો કેસ કરવા આપી હતી ધમકી
• પોલીસ કમિશનરને રજૂઆત કરતા થઈ તપાસ

ઉમરા પોલીસ સ્ટેશનના મહીલા PSI વિવાદ મામલો 

સુરતના ઉમરા પોલીસની ઘોડદોડ રોડ પર આવેલી પોલીસ ચોકીમાં ફરજ બજાવતી મહિલા PSI અને 2 પોલીસ કોન્સટેબલ સસ્પેન્ડ કરવામાં આવ્યાં છે. મહત્વનું છે કે, ઘોડદોડ રોડ પોલીસ ચોકીની PSI કે.એન.ચોપરાએ પિડીત વેપારી હરેશ ઘનશ્યામ અને સ્તયપાલસિંગ સાથે ગત તારીખ 8મી ઘોડદોડ રોડના પ્રેસિડેન્સી એપા. પાસે વેપારી કરણ સહાની વિરુદ્ધ દારૂ પીવાનો કેસ કર્યો હતો. ઉલ્લેખનીય છે કે, નારકોટિક્સની તપાસમાં ગયા ત્યારે મહિલા PSIએ ઉચ્ચ અધીકારીની ન હતી કરી જાણ તેમજ ઉચ્ચ અધિકારીઓ સાથે પોલીસ સ્ટેશન ડાયરીમાં પણ નોંધ નહતી કરી

મહિલા PSIએ વેપારીને ધમકી આપી 4 લાખ રૂપિયાની માંગી કરી 

જેના પગલે પીડિત વેપારી કરણે કમિશનરને અરજી કરી હતી કે, મહિલા  PSI ઘરમાં જબરજસ્તી ઘુસી હતી. વોરંટ બાબતે પૂછતા માથાકુટ કરી NDPSનો કેસ કરવા ધમકી આપી 4 લાખ માંગ્યા હતા.બાદમાં દારૂ પીવડાવી ખોટો કેસ કર્યો હતો. જેથી કમિશનરે PSI ચોપડા અને બંને કોન્સ્ટેબલો સામે કાર્યવાહી હાથ ધરી હતી. તપાસના અંતે કમિશનરે મહિલા PSI સાથે બે પોલીસકર્મીઓ સસ્પેન્ડ કર્યા છે