Video / ''મોઢું ના ખોલાવશો યાર,અમારી પાસે પણ..'' મોદી સરકારના મંત્રી અને ખેડૂત અગ્રણીનો વીડિયો વાયરલ

• કડકડતી ઠંડીમાં અડગ છે ખેડૂતોનું આંદોલન 
• ખેડૂતો અને સરકાર વચ્ચે થયેલ બેઠકનો એક વીડિયો વાયરલ
• વાયરલ વીડિયોના આધારે કેન્દ્રીય મંત્રી સામે લોકો ઉઠાવી રહ્યા છે સવાલો 

શું છે મામલો ? 

દિલ્હી અને આસપાસની બોર્ડરમાં છેલ્લા એક મહિનાથી પણ વધારે સમયથી આંદોલન કરવામાં આવી રહયું છે અને ખેડૂતો તથા સરકાર વચ્ચે કેટલીય વાર ચર્ચા કરવામાં આવી છે, જોકે આ ચર્ચામાં હજુ સુધી કોઈ સમાધાન સામે આવ્યું નથી. ખેડૂતોને મનાવવા માટે સરકાર તરફથી પ્રયાસો ચાલી રહ્યા છે ત્યારે રેલમંત્રી પીયૂષ ગોયલ, કૃષિ મંત્રી નરેન્દ્ર સિંહ તોમર અને ખેડૂત અગ્રણી રાકેશ ટીકૈતનો એક વીડિયો સોશ્યલ મીડિયામાં ખૂબ વાયરલ થઈ રહ્યો છે. 

શું કહ્યું હતું પીયૂષ ગોયલે ? 

આ વીડિયો ખેડૂતો અને સરકાર વચ્ચેની બેઠકનો છે જેમાં નરેન્દ્ર સિંહ તોમર અને પીયૂષ ગોયલ ભારતીય કિસાન યુનિયનના રાષ્ટ્રીય પ્રવક્તા રાકેશ ટીકૈત સાથે વાતચીત કરતાં દેખાઈ રહ્યા છે.  અને આ વીડિયોમાં કેન્દ્રીય મંત્રી પીયૂષ ગોયલ બોલતા દેખાઈ રહ્યા છે કે અમારી પાસે બધાની યાદી છે, મોઢું ના ખોલાવશો. 

લોકોએ સોશ્યલ મીડિયામાં કાઢ્યો ગુસ્સો 

આ વીડિયો હવે સોશ્યલ મીડિયામાં ખૂબ વાયરલ થઈ રહ્યો છે અને પત્રકાર રોહિણીએ આ વીડિયો શેર કરતાં લખ્યું છે કે આમની ભાષા જુઓ બધાની લીસ્ટ છે. પીયૂષજી શું તમારી લીસ્ટ નથી કોઇની પાસે ? સત્તામાં બેસીને સંસ્થાઑ પર કબજા કરનારા લોકો આવી જ ભાષાનો પ્રયોગ કરે છે.  પિરામલથી લઈને શિરડી સુધી એક લાંબી લીસ્ટ છે તમારી પણ, યાદ રાખો. 

यही अहंकार पतन का कारण बनता है, भाषा देखिए ‘सबकी लिस्ट है, मुँह मत खुलवाओ’।

पीयूष जी, क्या आपकी लिस्ट नहीं है किसी के पास? सत्ता में बैठ कर, संस्थानों पर कब्ज़ा कर अक्सर लोग ऐसी भाषा का प्रयोग करते हैं।

पीरामल से लेकर शिर्डी तक, एक लंबी लिस्ट में हर कारनामे अंकित है, भूलिए मत। pic.twitter.com/ICbr6KkD7K

— Rohini Singh (@rohini_sgh) January 1, 2021

પીયૂષ ગોયલના વલણ પર ઉઠયા સવાલ 

દેશના જાણીતા જાણીતા વકીલ અને એક્ટિવિસ્ટ પ્રશાંત ભૂષણે પણ આ વીડિયો શેર કરીને કહ્યું કે જ્યાં આંદોલનને વિફળ કરવા માટે સરકારે પહેલા દમનની નીતિ અપનાવી અને તે બાદ રાજનાથ સિંહને માફી માંગવા માટે મજબૂર કરવા પડ્યા અને હવે તેમના મોટા નેતા પીયૂષ ગોયલ ખેડૂત નેતાઓને ધમકાવતા દેખાઈ રહ્યા છે.  

After failing to quell the farmers protest movement by repression & defamation & watching it grow by the day, the govt was forced to send Rajnath Singh to apologise to the farmers. But here we see big mouth Piyush Goel threatening the farmer leaders pic.twitter.com/YalalQEuB9

— Prashant Bhushan (@pbhushan1) January 1, 2021

આંદોલનની અપડેટ 

નોંધનીય છે કે આ બેઠકમાં ખેડૂતો અને સરકાર વચ્ચે મહત્વના મુદ્દાઓ પર ચર્ચા કરવામાં આવી હતી પરંતુ તેમાં કોઈ સમાધાન આવી શકયું ન હતું અને હવે ચોથી તારીખે ફરીથી બેઠક કરવામાં આવશે. ખેડૂતો પોતાની માંગ પર અડગ છે અને સરકાર હજુ મનાવવા માટે પ્રયાસો કરી રહી છે ત્યારે ખેડૂત અગ્રણીઓએ કહ્યું હતું કે હવે જે બેઠક કરવામાં આવશે તેમાં ફરીથી કાયદા રદ કરવા મુદ્દે જ ચર્ચા કરવામાં આવશે અને તે પહેલા ખેડૂતોની પણ બેઠક મળશે.