ગંભીર સમસ્યા / VIDEO: ગુજરાતના આ ગામમાં ખેડૂતો ટ્યુબ-ખાટલાની હોડી બનાવીને ખેતર જાય છે, સરકાર પુલ બનાવે તેવી માંગ

• છોટાઉદેપુરમાં આવેલ કુંડલ અને લુણાજા ગામમાં ખેડૂતો હેરાન 
• ખેતરોમાં ઘુસી ગયા છે સૂખી ડેમના પાણી 
• જીવ જોખમમાં મુકીને ખેડૂતો ખેતરોમાં જઈ રહ્યા છે

ગુજરાતના છેવાડા સુધી વિકાસ પહોંચ્યાની વાતો થાય છે પરંતુ વાસ્તવીકતા કંઈ બિજુજ ચિત્ર દર્શાવે છે..છોટાઉદેપુર જિલ્લામાં પાવી જેતપુરના બે ગામ કુંડલ અને લુણાજાના ગ્રામજનો મુશ્કેલીમાં મુકાયા છે...સૂખી ડેમના પાણી ગામના ખેતરોમાં ભરાઈ જતા ગ્રામજનોને ખેતર જવા કે અન્ય ગામે પહોંચવા માટે રોજ જીવ જોખમમાં મુકવો પડે છે.

સરકાર પુલ બનાવે તેવી માગ 

અહિયા રસ્તાના અભાવે ગામવાસીઓ ખાટલા અને ટ્યુબની હોડી બનાવી પોતાના ખેતરે પહોંચવા મજબૂર બન્યા છે..ગ્રામજનોની માગ છે કે સરકાર વિકલ્પ તરીકે પુલ બનાવી આપે તો જીવને જોખમમાં મુકવો ન પડે.

પ્રશાસન સામે ઉઠ્યા ગંભીર સવાલો 

આ વીડિયો સામે આવ્યા બાદ એ સવાલો ઉઠી રહ્યા છે કે આખરે છોટાઉદેપુરના ગ્રામજનોને ક્યારે સુવિધા મળી રહેશે તેને લઈને ગંભીર સવાલો ઉઠ્યા છે. પ્રશાસનને કારણે ગ્રામજનો પોતાનો જીવ જોખમમાં મુકી રહ્યા છે. બીજો એક મહત્વનો સવાલ એ પણ છે કે  આખરે કુંડલ અને લુણાજા ગામમાં પુલ ક્યારે બનશે. 

ખાટલાની હોડી બનાવી લોકો કરી રહ્યા છે રસ્તો પાર 

ઉલ્લેખનીય છે કે ગુજરાતમાં વિકાસની વાતો થતી હોય છે. પરંતુ અમુક ગામ આવા પણ છે કે જ્યા ટ્યુબ અને ખાટલાની હોડી બનાવીને લોકોને રસ્તો પસર કરવો પડે છે. ડેમનું પાણી ખેતરમાં ભરાઈ જવાને કારણે જીવના જોખમે ખેડૂતો ખેતરે જવા મજબૂર થયા છે. જેથી સરકાર અહીયા પુલ બનાવે તેવી ગ્રામજનો માગ કરી રહ્યા છે.