કોરિયોગ્રાફર પુનીત પાઠકનો તાજેતરમાં એક વીડિયો સામે આવ્યો છે, આ વીડિયોમાં તે પોતાની પત્ની સાથે રોમાન્સ કરતો જોવા મળી રહ્યો છે. જે વીડિયો સોશિયલ મિડીયા પર ખુબ વાયરલ થઈ રહ્યો છે
બોલિવૂડના જાણીતા કોરિયોગ્રાફર પુનીત પાઠક પોતાના કામ પ્રત્યે હંમેશા સજાગ રહેતો હોય છે. એક શો ના જજ તરીકે હંમેશા પોતાના નિર્ણયોની ગરિમા જાળવવાનો પ્રયત્ન કરતો હોય છે. પરંતુ તાજેતરમાં તેની પત્નીએ સોશિયલ મીડિયા પર એક એવો વીડિયો શેર કર્યો છે કે, જે જોઈને લોકો શરમથી લાલ થઈ ગયાં છે. આવો વીડિયો શેર કર્યા બાદ પુનીતના ચાહકો એકદમ સ્તબ્ધ થઈ ગયાં છે
બેડરૂમનો વીડિયો વાયરલ થયો
સ્ટાર્સ રોમાન્સ કરતી વખતે ચાહકો સાથે વીડિયો શેર કરતાં રહે છે. પરંતુ કોરિયોગ્રાફર પુનીત પાઠકની પત્નીએ તાજેતરમાં જ પોતાની અંગત ક્ષણોનો આવો વીડિયો શેર કર્યો છે કે, તમે પણ આશ્ચર્યચકિત થઈ જશો. પુનીતની પત્ની નિધિ મુની સિંહ સોશિયલ મીડિયા પર ખૂબ જ સક્રિય છે. અને તાજેતરમાં જ તેના ઇન્સ્ટાગ્રામ પર એક એવો વીડિયો શેર કર્યો છે કે તે તરત જ વાયરલ થઈ ગયો છે. મહત્વનું છે કે, હજી ગત વર્ષે જ પુનીત અને નિધીના લગ્ન થયાં હતા
ડિસેમ્બર 2020માં બંન્ને લગ્ન કર્યા હતાં
પુનીત અને નિધિની લવ સ્ટોરી વાત કરીએ તો બંને લોકો પહેલી વખત ઝલક દિખલા જા ના સેટ પર મળ્યાં હતાં. અહીંથી બંને વચ્ચે નિકટતા વધી હતી, જે પછી બંને એકબીજાના પ્રેમમાં પડ્યાં અને વર્ષ 2020ની ઓગસ્ટમાં સગાઈ કરી હતી. પુનીતે કહ્યું હતું કે લોકડાઉને બંનેને વિચારવાનો પૂરો સમય આપ્યો હતો, ત્યારબાદ 11 ડિસેમ્બર 2020 ના રોજ બંનેએ સાત ફેરા લીધા.
પુનીત પાઠક જાણીતો કોરિયોગ્રાફર છે
પુનીતની કારકિર્દીની વાત કરીએ તો, તેણે ડાન્સ આધારિત રિયાલિટી શો DID થી ડાન્સર તરીકેની કારકિર્દીની શરૂઆત કરી હતી. તે ડીઆઈડી સીઝન 2 નો બીજો રનર અપ રહ્યો છે. તે પછી તેણે ઘણી હિન્દી ફિલ્મો અને નૃત્ય આધારિત રિયાલિટી શોમાં કોરિયોગ્રાફર તરીકે કામ કર્યું. એટલું જ નહીં, પુનીત 'ખતરોં કે ખિલાડી'નો વિજેતા પણ રહ્યો છે.
પુનીતે બોલિવૂડ ફિલ્મમાં પણ કામ કર્યુ હતું
નૃત્ય ઉપરાંત પુનીતને અભિનયમાં પણ રસ છે. તે રેમો નિર્દેશિત ફિલ્મ 'ABCD','ABCD 2' માં દેખાયો છે. તેમના સિવાય આ ફિલ્મમાં વરુણ ધવન, શ્રદ્ધા કપૂર, પ્રભુ દેવા જોવા મળ્યા હતા. ફિલ્મની વાર્તા નૃત્યની પૃષ્ઠભૂમિ પર આધારિત હતી. આ ફિલ્મ વર્ષની શ્રેષ્ઠ ફિલ્મોની યાદીમાં પણ સામેલ છે.