સાવચેતી રાખજો / Alert! ચૂપચાપ તમારી એક એક ગતિવિધિ પર નજર રાખે છે facebook, થઈ જજો સાવધાન

• ફેસબુકે પોતાનું કોર્પોરેટ નામ બદલ્યુ, પરંતુ પદ્ધતિ બદલી નથી
• ફેસબુક હજી પણ યુઝર્સની કરી રહ્યું છે જાસૂસી
• જેના કારણે યુઝર્સ યુવાનોથી બનાવી રહ્યાં છે અંતર

તમારા આ ડેટાની ચોરી કરી રહ્યું છે ફેસબુક

જોકે, ફેસબુકે પોતાનું કોર્પોરેટ નામ તો બદલી નાખ્યું. પરંતુ લોકોના મોબાઈલ ફોનમાંથી ડેટા ચોરવાનુ કામ ફેસબુકે હજી બંધ કર્યુ નથી. એટલું જ નહીં, ફેસબુકની પ્રાઈવસીનું ઉલ્લંઘન કરવાની પદ્ધતિને કારણે યુવાનો પણ ફેસબુકથી અંતર બનાવવા માંડ્યા છે. એક અભ્યાસ મુજબ, ફેસબુક પોતાના ફોનની સ્ક્રીન એક્ટિવિટી, વેબ એક્ટિવિટી, કોલ ડ્યુરેશન અને હાર્ડવેયરના સીરિયલ નંબર પર નજર રાખી રહ્યું છે. આ સાથે ફેસબુક આ ડેટાને સ્ટોર પણ કરી રહ્યું છે. મહત્વની વાત તો એ છે કે ફેસબુક આ ડેટાને એક્સેસ કરવાની તમારી પાસેથી મંજૂરી પણ માંગતુ નથી.

ફેસબુક ઈન્સ્ટોલ કર્યુ છે તો થઇ જાઓ સાવધાન

આયરલેન્ડની ટ્રિનિટી કોલેજના એક અભ્યાસ મુજબ, જો તમે તમારા ફોન પર ફેસબુક એપ ઈન્સ્ટોલ કરી છે તો ફેસબુક તમારા મોબાઈલ ફોનમાં તમારા ફોનમાં કરવામાં આવતી સ્ક્રીન એક્ટિવિટી અને વેબ એક્ટિવિટી પર નજર રાખી રહ્યું છે. એટલેકે ફેસબુકને ખબર છે કે તમે શું સર્ચ કરી રહ્યાં છો. આ સિવાય તમારા ફોન કોલની ડ્યુરેશન જાણી રહ્યું છે. એટલેકે તમે કોની સાથે કેટલાં સમય સુધી વાતચીત કરી રહ્યાં છો. એટલું જ નહીં, તમારા મોબાઈલ ફોનના હાર્ડવેર પાર્ટનો સીરિયલ નંબર પણ પોતાના સર્વર પર રાખી રહ્યું છે.

અમુક મોબાઈલ ફોન કંપનીઓ પણ કરી રહી છે ફેસબુકની મદદ

ફેસબુક તેના માટે તમારી પાસેથી મંજૂરી પણ માંગતુ નથી. નિષ્ણાંતો મુજબ, આવુ કરવામાં કેટલીક મોબાઈલ ફોન કંપનીઓ ફેસબુકની મદદ કરી રહી છે. ખરેખર, અમુક એન્ડ્રોઈડ ફોનમાં ફેસબુક પહેલેથી જ ઈન્સ્ટોલ હોય છે, જેને તમે અનઈન્સ્ટોલ કરી શકતા નથી. ફક્ત ડિસેબલ કરી શકો છો. આ ફોનમાં ફેસબુક તમારી બધી ગતિવિધિઓ પર નજર રાખે છે અને તમને ખબર પણ હોતી નથી. ટ્રિનિટી કોલેજના અભ્યાસમાં એવુ પણ જણાવવામાં આવ્યું છે કે પ્રાઈવસીનું ઉલ્લંઘન કરવાની આ પદ્ધતિમાં ફેસબુક સિવાય ગુગલ અને માઈક્રોસોફ્ટ પણ સામેલ છે.