BIG NEWS / જમ્મુ કાશ્મીરના અનંતનાગમાં સુરક્ષાદળોની કાર્યવાહી, 1 આતંકી ઠાર, સંઘર્ષ વચ્ચે સર્ચ ઓપરશેન ચાલુ

• અરવાણી વિસ્તારમાં આતંકવાદીઓ અને સુરક્ષા દળો વચ્ચે એન્કાઉન્ટર
• સુરક્ષાદળોએ આતંકીઓને ચારે બાજુથી ઘેરી લીધા હતા
• સ્થળ પર 2-3 આતંકવાદીઓ છુપાયેલા હોઈ શકે છે

अनंतनाग में चल रही मुठभेड़ में एक अज्ञात आतंकवादी मारा गया। सर्च ऑपरेशन चल रहा है: कश्मीर ज़ोन पुलिस

— ANI_HindiNews (@AHindinews) December 24, 2021

અનંતનાગમાં સુરક્ષાદળો અને આંતકવાદીઓ વચ્ચે એન્કાઉન્ટર ચાલી રહ્યું છે  

જમ્મુ-કાશ્મીરના અનંતનાગના અરવાણી વિસ્તારમાં સુરક્ષા દળોએ આતંકવાદીઓને ચારેય બાજુથી ઘેરી લીધા છે. સુરક્ષા દળો અને આતંકવાદીઓ વચ્ચે એન્કાઉન્ટર ચાલી રહ્યું છે. આ અથડામણમાં 1 આતંકવાદી માર્યો ગયો છે. જોકે, માર્યા ગયેલા આતંકવાદીની ઓળખ હજુ સુધી મળી નથી. સુત્રોના જણાવ્યા અુસાર હજી પણ  2-3 આતંકીઓ છુપાયા હોવાની ઈનપુટ સુરક્ષાદળોને મળી છે. આતંકવાદીઓને સુરક્ષાબળોના જવાનોથી બચીને ભાગવું ખૂબ મુશ્કેલ છે.

તાજેતરમાં જ અનંતનાગમાં આંતકવાદીઓએ એક ચોકી પર ગોળીબાર કર્યો હતો 

તમને જણાવી દઈએ કે તાજેતરમાં જ અનંતનાગમાં એક ચોકી પર આતંકવાદીઓએ ગોળીબાર કર્યો હતો. આ ઘટનામાં જમ્મુ-કાશ્મીર પોલીસના ASI મોહમ્મદ અશરફ ગંભીર રીતે ઘાયલ થયા હતાં. આ પછી તેમને તાત્કાલિક હોસ્પિટલ લઈ જવામાં આવ્યા પરંતુ રસ્તામાં જ તેઓ શહીદ થઈ ગયા.નોંધનીય છે કે થોડા દિવસો પહેલા જ સુરક્ષા દળોએ કુલગામમાં લશ્કર-એ-તૈયબાના બે આતંકવાદીઓને ઠાર કર્યા હતા.આ આતંકીઓ પાસેથી હથિયારો અને દારૂગોળો મળી આવ્યો હતો.