ચૂંટણી આયોગે પૂર્વ દિલ્હી ભાજપના ઉમેદવાર ગૌતમ ગંભીર વિરુદ્ધ ફરિયાદ નોંધાવવાનો આદેશ આપ્યો છે. ગંભીરે પરવાનગી વગર ચૂંટણી રેલી યોજી હતી. આ મામલે ચૂંટણી પંચમાં આપના ઉમેદવારે ફરિયાદ કરી હતી.
ચૂંટણી આયોગે પૂર્વ દિલ્હી ભાજપના ઉમેદવાર ગૌતમ ગંભીર વિરુદ્ધ ફરિયાદ નોંધવવાનો આદેશ આપ્યો છે. કમિશ્નરના જણાવ્યા પ્રમાણે, ગંભીરે પરવાનગી વગર જંગપુરમાં રેલી કરી હતી. લોકસભા ચૂંટણીમાં ગંભીરનો સામનો આપના ઉમેદવાર આતિશ અને કોંગ્રેસના અરવિંદરસિંહ લવલી સામે છે. આપનો આરોપ છે કે, ગંભીરનું નામ દિલ્હીની બે જગ્યાઓ પર વોટર લિસ્ટમાં નોંધાયું છે.
બીજી તરફ યુપીના રામપુરના સપા ઉમેદવાર આઝમ ખાનની વિરુદ્ધ બીજો એક કેસ નોંધાયો છે. આચારસંહિતા લાગૂ થયા બાદ તેની પર આ 11મો કેસ છે. પૂર્વ દિલ્હીના ચૂંટણી અધિકારી મહેશે ગંભીર પર વગર પરવાનગીએ જનસભા કરવાનો આરોપ સામે આચારસંહિતા ઉલ્લંઘનનો કેસ કર્યો છે. દિલ્હી પોલીસે આ મામલે ફરિયાદ નોંધી છે.
ઉલ્લેખનિય છે કે, ભાજપમાં ભળતા જ ગૌતમ ગંભીરને લોકસભાની ટિકિટ આપવામાં આવી છે. પોલીસના મતે ગૌતમ ગંભીર સામે ફરિયાદ મળી છે. તેની કાર્યવાહી હાથ ધરવામાં આવી છે. જોઈન્ટ સીપી દેવેશ શ્રીવાસ્તવ ડીપી એક્ટની કાર્યવાહી કરાઈ રહી છે અને આ મામલે તેમના પર પગલા લઈ સજા અને દંડ આપવામાં આવશે તેવી ખાતરી આપી હતી. આ મામલે આગામી સમયમાં દિલ્હીની સૂરત કોર્ટ નિર્ણય લેશે.