કોઇ પણ કામમાં મન ન લાગવુ, ચિડિયાપણું અને એલર્જી જેવી ઘણી સમસ્યાઓનું મુળ પેટ હોય છે. મોટાભાગના મેટાબોલિક ડિસીઝ પેટથી શરુ થાય છે. તેનાથી મેન્ટલ સ્ટ્રેસ, એન્ગઝાઇટી, પાચન સંબંધિત સમસ્યા, સ્કીનની સમસ્યા કે વારંવાર ઇંફેકશનની સમસ્યા થાય છે.
પેટ છે બેક્ટેરિયાનો ગઢ
જો તમારા પેટમાં બ્લોટિંગની સમસ્યા છે અથવા ભોજન કરતી વખતે પણ અલગ રિએક્ટ કરો છો તો તમારી પાચન પ્રણાલીમાં 100 ટકા કંઇક ગરબડ છે. પેટ બેક્ટેરિયા અને યિસ્ટની ઇકોસિસ્ટમ છે. તેમાંથી થોડુ તમારા માટે ફાયદાકારક પણ હોય છે તો કેટલાક ટોક્સિક પણ હોય છે. પેટમા સારા બેક્ટેરિયાને પોષણ આપવા માટે તમારે યોગ્ય ભોજન અને એક્સર્સાઇઝની જરુર છે. આપણે જે કંઇ પણા ખાઇએ છીએ તેની અસર પેટ પર પડે છે. ખાણીપીણીની ખોટી આદતો પેટની લાઇનિંગ પર ખરાબ અસર પાડે છે. જેના કારણે માઇક્રોન્યુટ્રીઅન્ટ એબ્સોર્બ થઇ શકતા નથી. તેથી તમે ગમે તેટલુ સારુ ખાવ જો તમારી પાચન પ્રણાલી યોગ્ય નહી હોય તો તેનો કોઇ ફાયદો મળતો નથી.
પેટ અને મગજ વચ્ચે છે કનેક્શન
પેટમાં ગરબડ હોય તો મગજ શાંત રહી શકતું નથી અને જ્યારે તમે ચિંતિત રહેતા હોવ કે વધુ ટેન્શન કરતા હો તો આંતરડા અલગ રીતે રિએક્ટ કરે છે. પેટ સેટ હશે તો મુડ પણ અપસેટ નહી રહે.
પાણી પીવો
પેટને સેટ રાખવામાં પાણીની ભુમિકા મહત્તવની છે. તેને નકારી ન શકાય. પાણી સૌથી શક્તિશાળી ડિટોક્સીફાયર છે. તે કિડની અને કોલોનને શરીરના વર્જ્ય પદાર્થો કાઢવામાં સહાયતા કરે છે. તેથી દિવસમાં વધુમાં વધુ પાણી દિવસભર થોડા થોડા સમયાંતરે પીવું જોઇએ.
પ્રી અને પ્રોબાયોટિક્સ લો
પ્રોબાયોટિક્સ પેટમાં સારા બેક્ટેરિયા ઉત્પન્ન કરે છે જ્યારે પ્રીબાયોટિક્સ પેટમાં પહેલેથી રહેલા સારા બેક્ટેરિયા માટે ફર્ટિલાઇઝરનું કામ કરે છે. પ્રીબાયોટિક ઘણા પ્રકારના ફુડ્સમાં હોય છે જેમકે કેળા, પાલક, ખીરા, ગાજર, ટામેટા, લસણ, ડુંગળી અને લેંટિલ્સ. પ્રોબાયોટિક્સ માટે દહીં, છાછ, ફુદીનો, લીંબુ, હળદળ અને જીરુ વગેરે ડાઇજેસ્ટીવ એન્ઝાઇમ્સ ઉત્પન્ન કરે છે.