સ્કિન પ્રોબ્લેમ / ચહેરા અને શરીરના અન્ય ભાગો પર સફેદ ડાઘ થઈ રહ્યાં હોય તો, તરત જ અપનાવો આ ઘરેલૂ ઉપાયો

• સ્કિન પર સફેદ ડાઘ થતાં હોય તો આ ઉપાય કરો
• ધીરે-ધીરે તમારા સફેદ ડાઘ દૂર થવા લાગશે
• ધીરજ સાથે આ ઉપાય કરશો તો રિઝલ્ટ જરૂર મળશે

કડવા લીમડાનો પ્રયોગ

લીમડાના પાન અને ફળ અનેક સમસ્યાઓમાં કારગર સાબિત થાય છે. સફેદ ડાઘ દૂર કરવા લીમડાના પાનને પીસીને તેની પેસ્ટ બનાવી ડાઘ પર લગાવો. આ ઉપાય રોજ 1 મહિના સુધી કરો. સાથે જ રોજ લીમડાનું ફળ ખાઓ અને તેનો જ્યૂસ પણ પીવો. તેનાથી લોહી સાફ થશે અને સફેદ ડાઘની સાથે સ્કિનના અન્ય રોગ પણ દૂર થવા લાગશે.

શરીરને સ્વચ્છ રાખો

ઘણીવાર લોકો પ્રાકૃતિક વેગ રોકી રાખે છે. જે બહુ જ ખોટું છે. તેનાથી શરીરમાં ટોક્સિન્સ વધવા લાગે છે અને પછી શરીરને નુકસાન પહોંચાડે છે. જેથી હમેશાં શરીરમાં રહેલાં હાનિકારક તત્વો બહાર નીકળવા દો અને શરીરને સ્વચ્છ રાખો.

બથુઆ

તમારી ડાયટમાં વધુને વધુ બથુઆને સામેલ કરો. રોજ બથુઆને બાફીને તેના પાણીથી શરીર પર જ્યાં સફેદ ડાઘ હોય ત્યાં ધુઓ. કાચાં બથુઆનો રસ 1 કપ કાઢી તેમાં 1 કપ તલનું તેલ મિક્સ કરીને ધીમા તાપે પકાવો. અડધું રહે એટલે ઠંડુ કરી રોજ ડાઘ પર લગાવો.

અખરોટ ખાઓ

સફેદ ડાઘને દૂર કરવા માટે અખરોટ બેસ્ટ છે. રોજ 5-6 અખરોટ ખાવાથી તેમાં રહેલાં તત્વો અને ગુણો સફેદ ડાઘની સમસ્યા દૂર કરે છે.

આદુ

રોજ આદુનો જ્યૂસ પીવાથી અથવા રોજ સવારે ખાલી પેટ આદુનો કટકો ચાવીને ખાવાથી અને સફેદ ડાઘ પર આદુનો રસ લગાવવાથી આ સમસ્યા દૂર થાય છે.

આ ન ખાતાં

સફેદ ડાઘની સમસ્યા વધે નહીં તે માટે ખાવામાં કેટલીક પરેજી રાખવી જરૂરી છે. જેથી મીઠાઈઓ, રબડી, દૂધ અને દહીં એકસાથે ખાવું નહીં. દૂધની સાથે ફિશનું સેવન પણ કરવું નહીં.