રોબર્ટ વાડ્રાની કંપની પર EDના દરોડા વકીલે કહ્યું - રાજકીય ષડયંત્ર

ઈડીએ સોનિયા ગાંધીના જમાઈ અને કારોબારી રોબર્ટ વાડ્રાની અનેક કંપનીઓ પર ઈડીએ દરોડા પાડીને દસ્તાવેજો જપ્ત કર્યા છે. ડિફેન્સ ડીલમાં લાંચના આરોપમાં ઈડીએ આ કાર્યવાહી હાથ ધરી છે. તો અધિકારીઓએ આ મામલે મૌન સેવ્યુ છે અને કોઈ પણ પ્રકારની માહિતી આપવાથી ઈનકાર કર્યો છે.

સુત્રો દ્વારા પ્રાપ્ત વિગતો મુજબ રાજધાની દિલ્લી અને બેંગાલૂરુમાં ત્રણ જગ્યાએ ઈડીએ દરોડા પાડ્યા છે. તો વાડ્રાના વકીલ સુમન જ્યોતિ ખેતાને આ કાર્યવાહની રાજકીય અને દુર્ભાગ્યપૂર્ણ ગણાવી.

ખેતાને કહ્યું કે પાંચ વર્ષમાં વર્તમાન સરકારે મારા અસીલને ડરાવવાનો તેમની છબિ ખરડવાનો અને દરેક પ્રકારનો સંભવ પ્રયાસ કર્યો છે. તેમના પરિવારજનો પર પણ નિશાન સાધવામાં આવે છે અને ઈડી સીબીઆઈ તથા આઈટી જેવા વિભાગોની મદદ લેવામાં આવે છે.

બીકાનેર જમીન કૌભાંડ મામલે કોંગ્રેસ અધ્યક્ષ રાહુલ ગાંધીના બનેવી રોબર્ટ વાડ્રાની મુશ્કેલીમાં વધારો જોવા મળ્યો છે. ઇડી દ્વારા શુક્રવારે મોડી રાતે વાડ્રાના દિલ્હીના સુખદેવ વિહાર ઓફસમાંથી કેટલાક દસ્વાતેજ જપ્ત કર્યા.

આ અગાઉ ઇડીએ રોબર્ટ વાડ્રા સાથે જોડાયેલા સહયોગીની જગ્યાએ દિલ્હી અને બેંગલુરૂ ખાતે દરોડા પાડ્યા હતા. જો કે વાડ્રાના વકીલે એક નિવેદનમાં આ દરોડા રાજકીય અને દૂર્ભાગ્યપૂર્ણ જણાવી હતી.