ધરતીકંપ / રાજસ્થાન, લદ્દાખ અને મેઘાલય ભૂકંપના આંચકાથી હચમચી ઉઠ્યા, સ્થાનિકો દોડી આવ્યા ઘરની બહાર

• 3 કલાકમાં 3 રાજ્યોમાં ભૂકંપ
• રાજસ્થાન,મેઘાલય અને લદ્દાખમાં ભૂકંપ
• બિકાનેરમાં 5.3ની નોંધાઈ તિવ્રતા

મળતી જાણકારી પ્રમાણે, આજે સવારે 3 કલાકના ગાળામાં રાજસ્થાન અને મેઘાલયમાં ભૂકંપના આંચકા અનુભવાયા હતા. જો કે, આ ત્રણેય સ્થળોએથી હજી સુધી કોઈ નુકસાન થયું નથી. મેઘાલયમાં મોડી રાતે 2.10 વાગ્યે પ્રથમ વખત ભૂકંપના તીવ્ર આંચકા અનુભવાયા હતા અને તેની તીવ્રતા રિક્ટર સ્કેલ પર 4.1 માપવામાં આવી હતી.

રાજસ્થાનના બીકાનેરની ધરા પણ ધ્રૂજી 

ત્યારબાદ રાજસ્થાનમાં બીકાનેર આજે સવારે 5: 25 વાગ્યે ભૂકંપના જોરદાર આંચકાથી હચમચી ઉઠયું હતું. આ ભૂકંપની તીવ્રતા રિક્ટર સ્કેલ પર 5.3 માપવામાં આવી હતી. એવું કહેવામાં આવી રહ્યું છે કે જ્યારે લોકો ઊંઘમાં હતા ત્યારે તેમને ભૂકંપના આંચકા અનુભવાયા હતા. જો કે, અચાનક ભૂકંપ અનુભવાતા સ્થાનિકોના જીવ તાળવો ચોંટ્યા હતા અને તેઓ ઘરની બહાર દોડી આવ્યા હતા. 

An earthquake of magnitude 5.3 on the Richter scale hit Bikaner, Rajasthan at 5:24 am today: National Centre for Seismology

— ANI (@ANI) July 21, 2021

લદ્દાખમાં પણ આંચકા 

તે જ સમયે, સિસ્મોલોજીના રાષ્ટ્રીય કેન્દ્રમાં પણ લદ્દાખમાં ભૂકંપના અહેવાલ છે. લદાખમાં આજે સવારે 4.57 મિનિટે ભૂકંપના આંચકા અનુભવાયા હતા, જેની તીવ્રતા રિક્ટર સ્કેલ પર 3.6 માપવામાં આવી હતી. હજુ સુધી કોઈ નુકસાન થયાના સમાચાર નથી.

ભૂંકપના આંચકા આવે ત્યારે શું?

• ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
• વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
• ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
• ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
• ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
• ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
• ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
• દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.

ભૂકંપ કેમ આવે છે ?

આપણે એકદમ સ્થિર ધરતી પર રહેવા ટેવાયેલા હોવાથી, ધરતી ધ્રૂજવા લાગે ત્યારે, મન ગભરાયેલા કબૂતરની જેમ ફફડી ઊઠે છે. ત્યારે ઘણી વખત સવાલ થાય છે આખરે ભૂકંપ કેમ આવે છે? કેટલાંક જાણે છે તો કેટલાંક પાસે અધૂરી માહિતી હોય છે. આવામાં આજના EK Vaat Kau વીડિયોમાં સરળ ભાષામાં સમજો કે આખરે ભૂકંપ કેવી રીતે આવે છે અને તેનું માપન કેવી રીતે થાય છે?