તમારા કામનું / કોઈપણ ડિગ્રી વગર કરી શકાય છે આ નોકરીઓ, મહિને થશે લાખ રૂપિયાથી વધારે કમાણી

• કોઈ પણ ડિગ્રી વગર મેળવો નોકરી 
• મહિને થશે લાખો રૂપિયાની કમાણી 
• જાણો તેના વિશે ડિટેલ્સ 

દરેક વ્યક્તિને સારી નોકરી કરીને મોટી કમાણી કરવાની ઈચ્છા હોય છે. આ માટે લોકો વર્ષો સુધી અભ્યાસ કરે છે અને આ માટે તેઓ મોટી મોટી શાળાઓ અને કોલેજોમાં એડમિશન લે છે. એડમિશન લીધા પછી પણ ઘણા લોકો પોતાનો અભ્યાસ પૂરો કરી શકતા નથી અથવા તો અભ્યાસ પૂરો કર્યા પછી પણ નોકરી માટે તેમને આમથી તેમ ભટકવું પડે છે. પરંતુ શું તમે જાણો છો કે એવી ઘણી નોકરીઓ છે જેના દ્વારા તમે મોટી કમાણી કરી શકો છો અને આ માટે તમારે કોઈ ડિગ્રીની પણ જરૂર નથી.

કોમર્શિયલ પાયલેટ માટે ડિગ્રીની જરૂર નહીં 
કોમર્શિયલ પાઈલટ બનવા માટે કોઈ ડિગ્રીની જરૂર નથી અને તમે પાઈલટ બનવા માટે ડિપ્લોમા લઈને કોમર્શિયલ પાઈલટ બની શકો છો. જો કે આ માટે તમારે 12મું પાસ કરવું જરૂરી છે અને તમારે પાયલોટની ટ્રેનિંગ લેવી પડશે. કોમર્શિયલ પાયલોટ બન્યા બાદ તમે દર મહિને 5 થી 6 લાખ રૂપિયા સુધીની કમાણી કરી શકો છો.

1 લાખ રૂપિયા સુધી હોય છે વેબ ડેવલોપરની કમાણી 
હાલમાં બધું ઑનલાઇન થઈ રહ્યું છે અને દરેક વ્યક્તિ વેબસાઇટ બનાવવા માંગે છે. આવી સ્થિતિમાં વેબ ડેવલપર્સની માંગ વધી રહી છે. વેબ ડેવલપર બનવા માટે તમારે કોઈ ડિગ્રીની પણ જરૂર નથી. જો કે, આ માટે વેબસાઇટ અને ઇન્ટરનેટનું જ્ઞાન હોવું જોઈએ. તમે કોઈપણ સંસ્થામાંથી વેબ ડેવલપર કોર્સ કરીને મોટી કમાણી કરી શકો છો. એક સારા અને અનુભવી વેબ ડેવલપરની સેલરી 80 હજારથી 1 લાખ રૂપિયા સુધીની હોઈ શકે છે.

તમે કેસિનો મેનેજર બનીને કરી શકો છો લાખોની કમાણી 
ભારતમાં કેસિનો મેનેજરની માંગ ઓછી છે, પરંતુ વિદેશમાં તેની ખૂબ માંગ છે અને કસિનો મેનેજરની વાર્ષિક આવક 32 હજારથી 58 હજાર ડોલર એટલે કે 25 લાખથી 41 લાખ રૂપિયા સુધીની હોઈ શકે છે. કેસિનો મેનેજર બનવા માટે, કોઈ ડિગ્રીની જરૂર નથી, પરંતુ આ માટે તમારી પાસે સારી કોમ્યુનિકેશન સ્કિલ અને કસિનોમાં રમાતી ગેમ વિશે જાણકારી હોવી જરૂરી છે. 

બની શકો છો સોશિયલ મીડિયા એક્સપર્ટ 
હાલમાં સોશિયલ મીડિયાનો ટ્રેન્ડ સતત વધી રહ્યો છે અને મોટી-મોટી કંપનીઓએ તેમના સોશિયલ મીડિયાને હેન્ડલ કરવા માટે સોશિયલ મીડિયા નિષ્ણાંતોને હાયર કરવાનું શરૂ કર્યું છે. સોશિયલ મીડિયા નિષ્ણાંત બનવા માટે કોઈ ડિગ્રીની જરૂર નથી પરંતુ તમારી પાસે ઇન્ટરનેટ અને બજારનું સારું જ્ઞાન હોવું જોઈએ. સોશિયલ મીડિયા એક્સપર્ટ દર મહિને 60 હજાર રૂપિયા સુધીની કમાણી કરી શકે છે.

રિયલ એસ્ટેટ બ્રોકર બનીને કરી શકો છો લાખોની કમાણી 
રિયલ એસ્ટેટ બ્રોકર બનવા માટે કોઈ ડિગ્રીની જરૂર નથી. આ માટે રિયલ એસ્ટેટની જાણકારી અને લોકોને તમારી વાતો સારી સમજાવવાની ક્ષમતા હોવી જરૂરી છે. રિયલ એસ્ટેટ બ્રોકરની કમાણી નિશ્ચિત નથી અને તમે તેમાં સોદા દ્વારા લાખો રૂપિયા કમાઈ શકો છો.