VIDEO / ધાનાણીએ સરકારને 'આધુનિક તાલિબાન' કહેતા નીતિન પટેલ ગિન્નાયા, જુઓ શું આપ્યો જવાબ

• તાલિબાન મુદ્દે ગુજરાતમાં રાજકારણ 
• નીતિન પટેલ અને ધાનાણી સામસામે આવ્યા 
• ધાનાણીએ ગુજરાત સરકારની તુલના તાલિબાન સાથે કરી હતી

નીતિન પટેલે આપ્યો જવાબ 
આજે અમદાવાદમાં આવેલ સરદારધામનું વડાપ્રધાન નરેન્દ્ર મોદી દ્વારા ઉદ્ઘાટન કરવામાં આવ્યું છે ત્યારે નીતિન પટેલે કાર્યક્રમ બાદ કોંગ્રેસ નેતા પરેશ ધાનાણી પર નિશાન સાધતાં કહ્યું હતું કે તાલિબાનોને ખાલી કોંગ્રેસ જ યાદ કરી શકે. આજના દિવસે તાલિબાનને યાદ ન કરી શકાય, પરેશભાઈનાં નિવેદનને હું વખોડી કાઢું છું. 9/11ના દિને તાલિબનોને યાદ કરવાની જરૂર નથી. 

શું કહ્યું હતું ધાનાણીએ?
નોંધનીય છે કે કોંગ્રેસ નેતા પરેશ ધાનાણીએ ગુજરાત સરકારની તુલના તાલિબાન સાથે કરી હતી. તેમણે ટ્વિટ કરીને કહ્યું હતું કે તાલિબાન ગુજરાતની રાહ પર છે. ગુજરાતના "આધુનિક તાલિબાનો"એ તો 20 વર્ષ પહેલા જ આંદોલન ઉપર સંપૂર્ણ પ્રતિબંધ ફરમાવી દીધો હતો. શું હવે ગુજરાતની રાહ ઉપર જ અફઘાની તાલિબાનો આગળ વધી રહ્યા છે?

ધાનાણીનાં આ ટ્વિટ બાદ સોશ્યલ મીડિયામાં ભારે વિવાદ પણ થઈ રહ્યો છે. આ સિવાય આજે લોકાપર્ણ કરાયેલ સરદાર ધામ વિશે ધાનાણીએ કહ્યું હતું કે સુંદર મજાની સંસ્થા ગુજરાત અને દેશને અર્પણ કરવામાં આવી છે. સમાજના 18 વર્ણોને તાંતણે જોડી કામ કરે એવી અપેક્ષા સાથે સિંહનું કાળજું રાખો અને સાચું બોલોને સંસ્થા વળગી રહે એ જરૂરી છે. સરદારધામ સરદારના સિદ્ધાંતોને આગળ ધપાવે એવી આશા. 

પાટીદારો ક્યારેય સંકુચિત થયા નથી : નીતિન પટેલ 
સરદાર ધામ વિશે નીતિન પટેલે કહ્યું હતું કે સૌનો સાથ સૌનો વિકાસ સૂત્ર ચરિતાર્થ થતુ દેખાય છે અને સરદાર ધામે સમાજનો સાથ મેળવ્યો છે. પાટીદાર સમાજ ક્યારેય સંકુચિત નથી થયો અને અત્યારે સરદારધામમાં 1600 જેટલા વિદ્યાર્થીઓ અભ્યાસ કરે છે. દરેક સમાજની તંદુરસ્ત હરિફાઈ શરૂ થઈ છે. 

પાટીદારોને OBCમાં જોડવા અંગે નીતિન પટેલનું નિવેદન
રાજ્યમાં પાટીદારોનાં અનામતનો મુદ્દો પણ ગરમાઈ રહ્યો છે ત્યારે નીતિન પટેલે કહ્યું હતું કે ભારત સરકારે પાર્લામેન્ટમાં કાયદો પસાર કર્યો છે કે જેમા રાજ્યો ઓબીસી જ્ઞાતિનો સમાવેશ કરી શકશે. કોઈપણ જ્ઞાતિ જો ઓબીસીમાં જોડાવા પાત્ર હશે ત્યારે સર્વે થશે, જે તે જ્ઞાતિનું સંગઠન માંગણી કરશે તો તેનો નિયમ મુજબ સર્વે થશે. અત્યારે કોઈપણ જ્ઞાતિની ઓબીસીમાં જોડાવાની માંગ આવી નથી. 

ફોર્ડ કંપનીની જાહેરાત અંગે નીતિન પટેલનું નિવેદન
ગુજરાત રાજ્યમાં ફોર્ડ કંપનીએ ઉત્પાદન બંધ કરવાની જાહેરાત કરી છે ત્યારે ડેપ્યુટી મુખ્યમંત્રી નીતિન પટેલે સફાઇ આપતા કહ્યું કે ફોર્ડ કંપની સંપૂર્ણ કામ બંધ નહીં કરે, ગુજરાતમાં એન્જીન બનાવવાનું કામ ચાલુ રાખશે. ફોર્ડનાં યુનિટમાં બીજી કોઈ કંપની પોતાનું કામ શરૂ કરી દે