VIDEO: દેવભૂમિ દ્વારકામાં કરોડો રૂપિયાનું ખનીજચોરી કૌભાંડ તંત્ર થયું દોડતું

દેવભૂમિ દ્વારકામાં કરોડો રૂપિયાની ખનીજચોરીનું કૌભાંડ આચરવામાં આવ્યું હોવાની ફરિયાદ કરવામાં આવી છે. આ ફરિયાદ ખાણ ખનીજ વિભાગે સર્વે કરીને નોંધાવી છે. ફરિયાદ પ્રમાણે રાણ ગામ આસપાસથી રૂપિયા 11 કરોડ 36 લાખની કિંમતની બોક્સાઇટની ચોરી અને લાંબા ગામે 2 કરોડ 34 લાખની રેતી ખનીજ ચોરો ચોરી ગયાની ફરિયાદ કરવામાં આવી છે. આ મામલે હવે ભાટીયા પોલીસે અજાણ્યા ખનીજ માફિયા સામે ફરિયાદ નોંધીને તપાસ શરૂ કરી છે. 

ઉલ્લેનીય છે કે રાજ્યમાં છેલ્લા કેટલાય સમયગાળાથી ખનીજ ચોરી કરતા લોકોની સંખ્યામાં વધારો થતા તંત્રએ પણ લાલ આંખ કરીને ઠેર-ઠેર ત્રાટકી સપાટો બોલાવ્યો હતો.ત્યારે આજ રોજ વડોદરા જિલ્લાના ખાણ-ખનીજ વિભાગે મહીસાગર નદીમાં ખનિજ ચોરી માફિયાઓ પર બાતમીના આધારે દરોડા પાડીને આશરે 1 કરોડનો મુદ્દામાલ જપ્ત કર્યો હતો.

રાજ્યની ગાંધીનગર આણંદ વડોદરાની ટીમે સંયુક્ત ઓપરેશન હાથ ધરેલ અને ઠેર-ઠેર ગેરકાયદેસર રીતે ખનિજની ચોરી કરતા લોકો સામે કાયદેસરની કાર્યવાહી કરતા ખનીજ ચોરી કરતા માફિયાઓમાં ફફડાય ફેલાયો હતો.