અસર / કોરોના વાયરસને લઇને NASAએ કર્મચારીઓ માટે જે કર્યું તેવું દરેક કંપની કરે કેવું સારું

• NASA પર પણ કોરોનાની અસર
• NASAના  17 હજાર કર્મચારીઓ ઘરે બેસી કામ કરશે
• અમેરિકામાં ભયનો માહોલ

NASA એડમિનિસ્ટ્રેટર જિમ બ્રાઇડેનસ્ટાઇનએ એજન્સીની વેબસાઇટ પર આ જાણકારી આપી છે. જેમાં તેઓ કહ્યું કે એજન્સી દેશભરમાં કોરોના વાયરસના કારણે ઉભા થયેલા હાલાત પર નજર રાખી રહી છે. જેને લઇ આ નિર્ણય લેવાયો છે. કેટલાક કર્મચારીને કોરોનાની અસર છે. ત્યારે આ વાયરસ વધુ ન ફેલાય તે માટે 17 હજાર કર્મીઓને ઘરેથી જ કામ કરવાનો આદેશ અપાયો છે.

સમયની સાથે જરૂરી પગલા લેવા જરૂરી 

Important message for the @NASA workforce on the agency’s response to coronavirus (COVID-19): https://t.co/piI21ECtvH pic.twitter.com/YKrFarvUSS

— Jim Bridenstine (@JimBridenstine) March 17, 2020

NASA એડમિનિસ્ટ્રેટર જિમે વધુમાં લખ્યું કે, એજન્સી દેશભરમાં કોરોના વાયરસને કારણે ઉભી થતી સ્થિતિ પર નજર રાખી રહી છે અને તેને અનુરૂપ પગલા પણ લેવાયા છે. તેમણે કહ્યું તે, કેટલાક કર્મચારીઓમાં COVID19 પોઝિટીવ આવતા સંસ્થા દ્વારા આ પ્રકારે પગલા લીધા છે જેથી આ વાયરસ વધુ લોકોમાં ન ફેલાય. 

અમેરિકામાં ભયનું વાતાવરણ છે

અમેરિકામાં સ્થિતિ કોરોના વાયરસને કારણે ખૂબ જ ચિંતાજનક બની રહી છે. યુ.એસ.માં, 6,329 લોકોને કોરોનાથી ચેપ લાગ્યો છે અને 107 લોકો મૃત્યુ પામ્યા છે, જ્યારે ફક્ત 9 જ સાજા થયા છે. ત્યાંની હોસ્પિટલોની હાલત પણ બહુ સારી નથી અને લોકોમાં ભયનો માહોલ છે. આશંકાને કારણે લોકોએ બજારો ખાલી કરી દીધા છે. બંદૂકો પણ ખરીદવા માંડી છે.

લોકોને એકઠા ન થવા કરાઇ અપીલ 

યુનાઇટેડ સ્ટેટ્સના રાષ્ટ્રપતિએ 10 થી વધુ લોકોને એકઠા ન થવા વિનંતી કરી છે. તેમણે લોકોને મકાનની અંદર રહેવા અને શક્ય તેટલું ઘરેથી કામ કરવા જણાવ્યું છે. દેશભરમાં શાળાઓ, કચેરીઓ, બાર, રેસ્ટોરાં અને ઘણાં સ્ટોર્સ બંધ છે. ન્યુ યોર્કના મેયરે કહ્યું કે, શહેરના 80 લાખ 60 હજાર રહેવાસીઓને કોરોના વાયરસ રોગચાળા સામે બાથ ભીડવા માટે આગામી 48 કલાકની અંદર કોઈપણ સમયે ઘરે રહેવાના ઓર્ડર મેળવવા માટે તૈયાર રહેવું જોઈએ.