દિલ્હી પરિવહન વિભાગે 13 RTOમાં રવિવારે ડ્રાઈવિંગ ટેસ્ટ આપવાની સુવિધા શરૂ કરી છે. તેનો લાભ એ લોકોને મળશે જેમને રવિવારે જ રજા હોય છે.
Driving License બનાવનારા માટે મોટા સમાચાર
રવિવારે પણ આપી શકાશે ડ્રાઈવિંગ ટેસ્ટ
દિલ્હીની 13 આરટીઓ ઓફિસમાં થશે ડ્રાઈવિંગ ટેસ્ટ
ડ્રાઈવિંગ લાયસન્સને બનાવવા માટે અનેક મુશ્કેલીઓનો સામનો કરવો પડે છે તે તમે જાણો જ છો. તમે પણ આવી મુશ્કેલીઓ અનુભવી હશે. ડ્રાઈવિંગ લાયસન્સ બનાવડાવતી સમયે હવે તમને રાહત મળી શકે છે. દિલ્હીમાં તમે ડ્રાઈવિંગ લાયસન્સ બનાવડાવવા ઈચ્છઓ છો તો તમારે તેને માટે રજા લેવી પડશે નહીં કેમકે દિલ્હી સરકારે નવા આદેશ બાદ હવે તમને રવિવારે પણ ડ્રાઈવિંગ ટેસ્ટ આપવાની સુવિધા આપી છે. તો જાણો તમને શું ફાયદો થશે.
13 આરટીઓ ઓફિસમાં થશે ડ્રાઈવિંગ ટેસ્ટ
દિલ્હી પરિવહન વિભાગની 13 આરટીઓ ઓફિસમાં તમે રવિવારે ડ્રાઈવિંગ ટેસ્ટ આપી શકો છો. સરકારના આ નિર્ણયથી એ લોકોને ફાયદો થશે જેમને ફક્ત રવિવારે જ રજા મળે છે. હવે આ લોકો રવિવારે પોતાનો ડ્રાઈવિંગ ટેસ્ટનો સ્લોટ બુક કરી શકશે.
લોકોની સુવિધા માટે લેવાયો નિર્ણય
દિલ્હી સરકારના પરિવહન મંત્રી કૈલાશ ગેહલોતે કહ્યું કે ડ્રાઈવિંગ લાયસન્સના અરજદારોની સુવિધાને ધ્યાનમાં રાખીને સરકારે આ નિર્ણય કર્યો છે. તેઓએ કહ્યું કે રવિવારે ડ્રાઈવિંગ ટેસ્ટના સિવાય આરટીઓમાં કોઈ સુવિધા ચાલુ રહેશે નહીં.
RTO ઓફિસના કર્મચારીઓને આ દિવસે મળશે રજા
મંત્રીએ એમ પણ કહ્યું કે જે કર્મચારીઓ રવિવારના દિવસે આરટીઓ ઓફિસમાં કામ કરશે તેઓ સોમવારે રજા લેશે. જે લોકો રવિવારે ડ્રાઈવિંગ ટેસ્ટ આપવા ઈચ્છે છે તેઓએ ઓનલાઈન રીતે પોતાનો સ્લોટ બુક કરાવવાનો રહેશે.
અહીં આપને એમ પણ જણાવવામાં આવે છે કે જે લોકો સોમવારે સ્લોટ બુક કરાવે છે તેઓ આ દિવસે પણ ડ્રાઈવિંગ ટેસ્ટ આપી શકે છે. તેના માટે વૈકલ્પિક નિરિક્ષક અને કર્મચારીઓની નિમણૂક કરાશે. આ નિયમ હાલમાં ફક્ત દિલ્હી માટે લાગૂ કરાયો છે જલ્દી જ તેને અન્ય રાજ્યોમાં પણ લાગૂ કરવામાં આવશે તેવી આશા રાખવામાં આવી રહી છે.