ભારતે સ્વદેશી ટેન્ક એન્ટી ટેન્ક ગાઇડેડ મિસાઇલ 'નાગ' ના ત્રણ સફળ પરીક્ષણ પૂરા કરી લીધા છે. રાજસ્થાનના પોખરણમાં રવિવારે 'નાગ'નું દિવસ અને રાત્રીના સમયે પરીક્ષણ કરવામાં આવ્યું. સેનાના સૂત્રોના જણાવ્યા અનુસાર આ એન્ટી ટેન્ક ગાઇડેડ મિસાઇલે પોતાના ડમી ટારેગટ પર અચૂક નિશાન સાધ્યું. જો કે હવે એવુ માનવામાં આવી રહ્યું છે કે આ 'નાગ' મિસાફલનો જલ્દી ભારતીય સેનામાં સમાવેશ કરવામાં આવશે.
ત્રીજી જનરેશન ગાઇડેડ એન્ટી ટેન્ક મિસાઇલ 'નાગ'નું ઉત્પાદન આ વર્ષના અંતમાં શરૂ કરી દેવામાં આવશે. અત્યાર સુધી તેનું ટ્રાયલ ચલાવામાં આવી રહ્યું હતું. 2018માં આ મિસાઇલનું વિન્ટર યૂઝર ટ્રાયલ (શિયાળામાં પ્રયોગ) કરવામાં આવ્યો હતો.
ભારતીય સેના 8 હજાર નાગ મિસાલ ખરીદે તેવી શક્યતા છે જેમાં 500 મિસાઇલનો ઓર્ડર પ્રારંભમાં આપવાની સંભાવના છે. નાગ મિસાઇલનું નિર્માણ ભારતમાં મિસાઇલ બનાવનારી એક માત્ર કંપની ભારત ડાયનામિક્સ લિમિટેડ કરશે. ઉલ્લેખનીય છે કે 2017 અને 2018માં નાગ એન્ટી ટેન્ક ગાઇડેડ મિસાઇલના બે સફળ પરીક્ષણ કરવામાં આવ્યાં હતા. બંને પરીક્ષણ રાજસ્થાનના પોખરણના ફાયરિંગ રેન્જમાં કરવામાં આવ્યાં.
મિસાઇલની ખાસિયત...
નાગ મિસાઇલ યુધ્ધમાં દુશ્મનના ટેન્કને ચાર કીમી દૂરથી ધ્વસ્ત કરી શકે છે
રાતના અંધારામાં પણ પોતાના ટાર્ગેટને નષ્ટ કરી શકે છે