કોઈ તમારી જાણ વગર તમારા નામે લોન કેવી રીતે લઈ શકે. બીજો પ્રશ્ન એ છે કે તમે આ બધા વિશે કેવી રીતે જાણશો અને ત્રીજો પ્રશ્ન એ છે કે તમે કેવી રીતે બચી શકશો.
સાઇબર ક્રિમિનલ કોઈ પણ યુઝરના નામ પર લોન લઈ લે છે
શું કોઈએ તમારા PAN કાર્ડ પર ખોટી રીતે લોન લીધી છે? આ રીતે જાણો
ઓનલાઇન છેતરપિંડીથી કેવી રીતે બચી શકાય?
શું તમારા નામ પર કોઈ લોન લઈ શકે છે? આ સવાલ સાંભળવામાં ઘણો અટપટો લાગતો હશે પણ આવા ઘણા કિસ્સાઓ સામે આવ્યા છે. એ કિસ્સાઓ મુજબ કોઈ બીજા વ્યક્તિના PAN કાર્ડનો ઉપયોગ કરીને છેતરપિંડી કરનાર લોકો લોન લઈ લે છે. જ્યારે એ PAN કાર્ડ ધરાવતી વ્યક્તીને એ વિશે ઘણી પાછળથી ખબર પડે છે. સાઇબર ફ્રોડમાં આવે છેતરપિંડી થવી ઘણી સામાન્ય વાત છે.
સાઇબર ક્રિમિનલ કોઈ પણ યુઝરના નામ પર લોન લઈ લે છે
સાઇબર ક્રિમીનલ્સ લોકોને ઠગવા માટે નવી નવી રીત શોધતા રહે છે. એવી જ એક રીત છે લોન ફ્રોડ, ભલે આ કોઈ નવી રીત નથી પણ છેલ્લા ઘણા સમયથી ચાલતી આવે છે. ખાસ કરીને કોરોના મહામારી સમયે તેના ઘણા કિસ્સાઓ સામે આવ્યા છે. લોન ફ્રોડમાં સાઇબર ક્રિમિનલ કોઈ પણ યુઝરના નામ પર લોન લઈ લે છે અને એ વ્યક્તીને આ વિશે તે સમયે ખબર પણ નથી પડી. જો કે જ્યારે યુઝરને તેના વિશે ખબર પડી ત્યાં સુધીમાં તેના નામે લોન અને વ્યાજ ખૂબ વધી ગયું છે. આવી ઘટનામાં પહેલો સવાલ એ આવે છે કે કોઈ તમારી જાણ વગર તમારા નામે લોન કેવી રીતે લઈ શકે. બીજો પ્રશ્ન એ છે કે તમે આ બધા વિશે કેવી રીતે જાણશો અને ત્રીજો પ્રશ્ન એ છે કે તમે કેવી રીતે બચી શકશો.
શું કોઈએ તમારા PAN કાર્ડ પર ખોટી રીતે લોન લીધી છે?
આપણી પાસે ઘણા પ્રકારના દસ્તાવેજો છે અને દરેક દસ્તાવેજો કે ડોક્યુમેન્ટ અલગ અલગ કામ માટે જરૂરી છે. બેંકમાં ખાતું ખોલાવવા, ફોર્મ ભરવા, સિમ કાર્ડ મેળવવા વગેરે માટે પણ અલગ અલગ પ્રકારના ડોક્યુમેન્ટસ્ ની જરૂર પડે છે. ઉદાહરણ તરીકે આપણું PAN કાર્ડ. PAN કાર્ડ ઘણું જરૂરી ડોક્યુમેન્ટ છે. બેંકમાં ખાતું ખોલાવવાથી લઈને નાણાકીય વ્યવહારો કરવા માટે PAN કાર્ડ જરૂરી છે. આવી સ્થિતિમાં આવા જરૂરી ડોક્યુમેન્ટને સુરક્ષિત પણ રાખવું જોઈએ. આજકાલ છેતરપિંડી કરનારા લોકોના PAN કાર્ડનો દુરુપયોગ કરે છે અને તેના દ્વારા લોન પણ લે છે. આવા કિસ્સામાં એ જાણવું જરૂરી બની જાય છે કે શું કોઈએ આપણા PAN કાર્ડ પર ખોટી રીતે લોન લીધી છે? કોઈએ આપણા PAN કાર્ડ પર ખોટી રીતે લોન લીધી છે કે નહીં એ કેવી રીતે જાણવું તેના વિશે આજે અમે તમને જણાવવા જઈ રહ્યા છીએ.
તમારા નામે લોન ફ્રોડ કેવી રીતે થાય?
સૌથી પહેલા તો એ સમજવું પડશે કે તમારી મંજૂરી વિના આ રમત કેવી રીતે થાય છે? જણાવી દઈએ કે સ્કેમર્સ યુઝરના પાન કાર્ડ અને મોબાઈલ નંબરની મદદથી આખી ગેમ રમે છે. સ્કેમર્સ યુઝર્સના નામે નાની લોન લે છે, જેથી તેમને વેરિફિકેશનની ઝંઝટમાંથી પસાર થવું ન પડે. આપણે બધા જાણીએ છીએ કે છેલ્લા કેટલાક સમયમાં ઘણી ઇન્સ્ટન્ટ લોન એપ્સ આવી છે જેમાં મિનિટોમાં પર્સનલ લોન આપવાનો દાવો કરે છે. આ વાતનો ફાયદો સ્કેમર્સ ઉઠાવે છે અને નકલી લોનનો આખો ખેલ રમે છે. ઇન્સ્ટન્ટ લોન પ્રોવાઇડર ફક્ત ગ્રાહકોના પાન કાર્ડ અને મોબાઇલ નંબર પર જ નાની લોન આપે છે.
તમારા નામે કોઈએ લોન લીધી છે કે નહીં આ રીતે ચેક કરો
ઘણી વખત એવું બને છે કે વ્યક્તિઓ તેનું પાન અથવા આધાર કાર્ડ અન્ય લોકો સાથે ઘણા પ્રસંગોએ શેર કરે છે અને તમારું PAN કાર્ડ બેંક ખાતા સાથે જોડાયેલું હોય છે. આ કિસ્સામાં, તમારા નામે કોઈએ લોન લીધી છે કે નહીં એ ચેક કરવા માટે તમારો CIBIL સ્કોર ચેક કરાવી શકો છો. સાથે જ જો વ્યક્તિ ઇચ્છે છે, તો તેઓ કોઈપણ એજન્સી દ્વારા તેમનો CIBIL સ્કોર પણ ચકાસી શકે છે. આ બતાવે છે કે તમારા નામે કેટલી લોન છે. જો કોઈએ તમારા નામે લોન લીધી હોય અને તે ચૂકવવામાં ન આવે તો CIBIL સ્કોર ઘટશે.
તમારા નામે કેટલી લોન અને ક્રેડિટ કાર્ડ છે તે શોધવાનો સૌથી સરળ રસ્તો ક્રેડિટ રિપોર્ટ છે. યુઝર્સના ક્રેડિટ રિપોર્ટમાં લોન અને ક્રેડિટ કાર્ડ બંનેની વિગતો ઉપલબ્ધ છે. આ રીતે તમે ચેક કરી શકો છો કે તમારા નામે કેટલી લોન છે. જણાવી દઈએ કે તમે CIBIL, Equifax, Experian અને CRIF હાઈ માર્ક પર તમારો ક્રેડિટ રિપોર્ટ ચેક કરી શકો છો. આ સિવાય બીજી ઘણી થર્ડ પાર્ટી એપ્સ પર પણ તમને આ સુવિધા મળે છે. ક્રેડિટ રિપોર્ટ તપાસવા માટે, તમારે તમારું નામ, સરનામું, મોબાઇલ નંબર અને આ વેબસાઇટ્સ પર પ્રાપ્ત OTP દાખલ કરવો પડશે. આ રીતે, તમને તમારા પાન કાર્ડ પર ચાલતી લોન વિશે સંપૂર્ણ માહિતી મળશે.
જો તમને કોઈ ભૂલ દેખાય તો શું કરવું?
જો કોઈ વ્યક્તિને તેના ક્રેડિટ રિપોર્ટમાં કઇંક શંકાસ્પદ દેખાય તો તે ક્રેડિટ બ્યુરો અને ક્રેડિટ આપનાર બંનેનો સંપર્ક કરી શકાય છે અને એમને આ ભૂલ વિશે જણાવીને સુધારવા માટે કહેવું પડશે.
ઓનલાઇન છેતરપિંડીથી કેવી રીતે બચી શકાય?
આ સૌથી મોટો પ્રશ્ન છે. આવી કોઈપણ છેતરપિંડીથી બચવાનો શ્રેષ્ઠ માર્ગ એ છે કે તમે તમારી જાતને સજાગ રાખો. એટલે કે સાવધાની એ સલામતી છે. તમારે આધાર અને પાન કાર્ડ જેવી વિગતો કોઈપણ અજાણી વ્યક્તિ સાથે શેર કરવી જોઈએ નહીં. કોઈપણ પરિસ્થિતિમાં જો તમારે તમારા પાન કાર્ડ અથવા આધાર કાર્ડની નકલ શેર કરવી હોય તો તેની નકલ પર તેનું કારણ લખો. એટલે કે આધાર કાર્ડ કે પાન કાર્ડની આ કોપી કયા કામ માટે ઉપયોગમાં લેવાશે તે ચોક્કસ લખો. લખતી વખતે નોંધ કરો કે તેનો અમુક ભાગ તમારા કાર્ડ પર પણ આવે છે, જેથી તેનો ઉપયોગ અન્ય કોઈ હેતુ માટે ન થઈ શકે.