નમસ્તે ટ્રમ્પ / લો બોલો! હવે ટ્રમ્પના સ્વાગત માટે જિલ્લાવાર કલર કોડ અપાયા, જાણો તમારા જિલ્લાનો કયો કલર

• નમસ્તે ટ્રમ્પ કાર્યક્રમમાં કલર કોડ
• દરેક જિલ્લા માટે નક્કી કરાયો કલર કોડ
• સ્ટેડિયમમાં બેસવા માટે કલર કોડ 
• અમદાવાદ માટે ગુલાબી કોડ કરાયો નક્કી

24 ફેબ્રુઆરીએ યોજનાર નમસ્તે ટ્રમ્પ કાર્યક્રમ વધુને વધુ સુંદર અને કલરફુલ બને માટે અવનવા આઇડિયાથી કાર્યક્રમને ફ્રેમ કરવામાં આવી રહ્યો છે. મોટેરા સ્ટેડિયમમાં લોકોને બેસવા માટે જિલ્લા મુજબ ખાસ કલર કોડ નક્કી કરાયો છે. 

અમદાવાદના લોકો માટે ગુલાબી અને ગાંધીનગર માટે લાલ કલર કોડ નક્કી કરાયો છે. ખેડા અને આણંદના લોોક માટે જાંબલી અને સાંબરકાંઠા મહેસાણા માટે વાદળી કલર કોડ નક્કી કરાયો છે. 

વડોદરાના લોકો માટે આછો લીલો અને સુરેન્દ્રનગર, પાટણ અને બનાસકાંઠાના લોકો માટે ઘેરો વાદળી કલર પસંદ કરવામાં આવ્યો છે. વાદળી ઘેરો કલર કોડ મહીસાગર અને અરવલ્લીના લોકો માટે નક્કી કરાયો છે. આ કલર કોડ સાથે સ્ટેડિયમમાં  જિલ્લાવાર બેસવાની વ્યવસ્થા કરાઇ છે.