ડંફાસ / હજુ જીદ છોડવા તૈયાર નથી ટ્રમ્પ : પહેલા હાર સ્વીકારી, થોડા સમય પછી કહ્યું 'હું જીતી ગયો'

• રવિવારે મોટા આરોપો સાથે બાયડનની જીત સ્વીકારી 
• સોમવારે ફરી જૂની જીદ પકડી લીધી 
• હું ચૂંટણી જીતી ગયો : ટ્રમ્પ 

અમેરિકામાં બહુમતથી ખૂબ આગળ છે બાયડન 

અમેરિકામાં રાષ્ટ્રપતિ ચૂંટણીના પરિણામો હજુ સુધી નથી આવ્યા પરંતુ બાયડન બહુમતના આંકડાથી ખૂબ આગળ નીકળી ગયા છે અને તેઓ થોડા સમય બાદ મહાસત્તાના સિંહાસન પર આસન થશે.  

ટ્રમ્પ હજુ કહી રહ્યા છે કે હું જીતી ગયો 

જ્યાં બધાએ સ્વીકાર કરી લીધો છે કે બાયડન જીતી ચુક્યા છે ત્યાં ડોનાલ્ડ ટ્રમ્પ હજુ જીદ છોડવા તૈયાર નથી. બાયડનને 306 ઈલેક્ટોરલ વોટ મળ્યા છે જ્યારે ડોનાલ્ડ ટ્રમ્પને 232 ઈલેક્ટોરલ વોટ મળ્યા છે ત્યારે ટ્રમ્પ ફરી કહી રહ્યા છે કે તે ચૂંટણી ગયા છે. 

I WON THE ELECTION!

— Donald J. Trump (@realDonaldTrump) November 16, 2020

હંમેશાની જેમ ટ્રમ્પ હજુ પણ ડંફાસો મારવામાંથી ઊંચા નથી આવી રહ્યા છે, તેમણે ટ્વિટ કરીને કહ્યું કે હું ચૂંટણી જીતી ગયો. જોકે ટ્રમ્પના આ નિવેદનમાં ટ્વિટરે ટ્રમ્પના ટ્વિટને પડકાર આપ્યો છે. 

પહેલા બાયડનની જીત સ્વીકારી હતી 

આ પહેલા રવિવારે ટ્રમ્પે મન વિના બાયડનની જીત સ્વીકાર કરતા લખ્યું હતું કે તે જીતી ગયા કારણ કે ચૂંટણીમાં ઘાલમેલ થઇ છે. ખરાબ ઉપકરણોથી કામ કરવામાં આવ્યું જેના કારણે ટેક્સાસ માટે ચૂંટણી સાચી સાબિત થઇ નહીં. ખોટી અને મૌન મીડિયા.