અમેરિકી રાષ્ટ્રપતિ ડોનાલ્ડ ટ્રમ્પ રવિવારનાં રોજ ટેક્સાસનાં હ્યૂસ્ટનમાં યોજાનારા 'હાઉડી મોદી' કાર્યક્રમમાં શામેલ થશે. આ કાર્યક્રમને પ્રધાનમંત્રી મોદી સંબોધિત કરશે, જ્યાં 50 હજારથી વધારે ભારતીય સમુદાયનાં લોકો શામેલ થશે.
બંને દેશો ટ્રેડ સંબંધોને લઇને જ કંઇક જાહેરાત કરી શકે છે.
'હાઉડી મોદી' કાર્યક્રમમાં પચાસ હજારથી પણ વધુ લોકો થશે શામેલ
પ્રધાનમંત્રી મોદીની સાથે ખૂબ સારા સંબંધ: ડોનાલ્ડ ટ્ર્મ્પ
આ કાર્યક્રમમાં શામેલ થતા પહેલા ડોનાલ્ડ ટ્રમ્પે સંકેત આપ્યાં છે કે તેઓ આ કાર્યક્રમમાં કેટલીક મોટી જાહેરાત કરી શકે છે કે જે ભારત-અમેરિકાનાં સંબંધોને મજબૂતી આપશે. ગુરૂવારનાં જ્યારે અમેરિકી મીડિયાએ ડોનાલ્ડ ટ્રમ્પ (Donald trump) ને હાઉડી મોદી (Howdy Modi) કાર્યક્રમને વિશે પૂછ્યું તો તેઓએ કહ્યું કે, તેમનાં પ્રધાનમંત્રી મોદીની સાથે ખૂબ સારા સંબંધ છે. આ સાથે તેમણે જણાવ્યું કે, હોઇ શકે છે કે આપને હાઉડી મોદીમાં કેટલીક મોટી જાહેરાતો જોવા મળશે. જો કે, ટ્રમ્પે રિપોર્ટ્સને આને વિશે કંઇ જ નથી બતાવ્યું કે જાહેરાત આખરે શું હશે?
આપને જણાવી દઇએ કે સોમવારનાં રોજ વ્હાઇટ હાઉસ તરફથી એ વાતની પુષ્ટિ કરવામાં આવી હતી કે ડોનાલ્ડ ટ્રમ્પ 22 સપ્ટેમ્બરનાં રોજ યોજાનારા કાર્યક્રમમાં શામેલ થશે. આ કાર્યક્રમમાં ડોનાલ્ડ ટ્રમ્પ સિવાય અનેક અમેરિકી સાંસદ, રિપબ્લિકન-ડેમોક્રેટ્સ પાર્ટીનાં નેતા શામેલ હશે. આવું પહેલી વાર હશે કે જ્યારે ડોનાલ્ડ ટ્રમ્પ-નરેન્દ્ર મોદી આ પ્રકારનાં કાર્યક્રમમાં મંચ પર ઉપસ્થિત રહેશે.
હકીકતમાં, છેલ્લાં કેટલાંક દિવસોમાં અમેરિકા અને ભારતની વચ્ચે ટ્રેડ ડીલને લઇને વિવાદ ચાલી રહ્યો છે. એવામાં આશા દર્શાવાઇ રહી છે કે બંને દેશો ટ્રેડ સંબંધોને લઇને જ કંઇક જાહેરાત કરી શકે છે. અમેરિકાએ ભારતનાં કેટલાંક નિર્ણયોથી નારાજ થઇને GSP (Generalised System of Preferences) પદને ખતમ કરી દીધું હતું.
5 જૂનનાં રોજ ભારત તરફથી અમેરિકાનાં કુલ 28 પ્રોડક્ટ્સ કે જેમાં એપ્પલનાં કેટલીક પ્રોડક્ટ પણ શામેલ હતી, તેની પર ટેરિફ વધારી દીધી હતી. જ્યાર બાદ ડોનાલ્ડ ટ્રમ્પે ટ્વિટ કર્યુ હતું કે આ સહન નહીં કરવામાં આવે.
કાર્યક્રમમાં શું છે ખાસ, આયોજકો કહ્યું કે,
'હાઉડી મોદી કાર્યક્રમનાં આયોજકોમાં શામેલ ડૉ. જિતેન્દ્ર અગ્રવાલે એક ખાનગી ન્યૂઝ ચેનલને જણાવ્યું કે, આની તૈયારી છેલ્લાં 3 વર્ષથી ચાલી રહી હતી. નરેન્દ્ર મોદીએ તેઓને વાયદો કર્યો હતો કે તે ચૂંટણી ખતમ થયા બાદ તેઓ અહીં જરૂર આવશે. અંદાજે ચાર મહીના પહેલા પીએમ મોદીનાં આ કાર્યક્રમનું ઓફિશીયલ નિમંત્રણ મોકલવામાં આવ્યું હતું.
હકીકતમાં, ટેક્સાસ રાજ્ય અમેરિકાનું બીજા નંબરનું મોટું રાજ્ય છે. અહીં ભારતીય સમુદાયનાં લોકો હજારોની સંખ્યામાં રહે છે, અહીં રહેનારા ભારતીય સમુદાયનાં લોકો વધારે અમીર છે અને બિઝનેસનાં ક્ષેત્રમાં મોટું નામ રાખે છે. એ જ કારણ છે કે ડોનાલ્ડ ટ્રમ્પ પણ આ ક્ષેત્રમાં આવી રહ્યાં છે. કેમ કે આગામી વર્ષે અમેરિકામાં રાષ્ટ્રપતિ પદની ચૂંટણી પણ યોજાવાની છે.