ટેકનોલોજી / જૂનો ફોન વેચતા કે નાંખી દેતાં પેહલાં આટલું કરી લેજો, નહીંતર આખી જિંદગી પસ્તાશો

• મોબાઈલ વેચતાં પહેલા આ બાબતોથી સાવધાન થઈ જાવ
• ફોનના ડેટાનું બેકઅપ જરૂર લ્યો
• ગુગલમાં લોગ આઉટ કરવું છે ખુબ જ જરૂરી

આમ તો જુનો મોબાઈલ વેંચવો ખુબ જ સરળ છે. પરંતુ તમારા માટે આ બોવ મોટી હેરાનગતિ સાબિત થઈ શકે છે. લોકો જુનો સ્માર્ટફોન વેચતી વખતે તેમાંથી સીમ અને એસડી કાર્ડ કાઢી લે છે. પરંતુ તે સમયે જરૂરી આઈડી શેર કરવાના ભૂલી જાવ છે જે તમારા માટે જોખમ સાબિત થઈ શકે છે. આ ઉપરાંત જેનાથી તમારો ડેટાબેસ મળી શકે છે. જે તમારી પર્સનલ વસ્તુઓ અને બેંક સુરક્ષાનું પણ જોખમ રહે છે. તો આજે અમે તમને જણાવીશું કે સ્માર્ટફોન વેંચવા પહેલા કયું કામ કરવું જોઈએ, જેનાથી આપણો સમગ્ર ડેટા સુરક્ષિત રહે. આવો જાણીએ આ ટીપ્સ વિષે

મોબાઈલને રીસેટ જરૂર કરો
ફોન વેચવા પહેલા ફેસબુક, ટ્વીટર અને ઈંસ્ટાગ્રામ જેવા સોશિયલ મીડિયા એપ પર લોગ આઉટ કરો. ત્યારબાદ સેટિંગમાં જઈ ફેંકટ્રી રીસેટ કરો. આ માટે સેટિંગમાં જઈ બેકઅપ અને રીસેટના ઓપ્શનમાં જઈ ફોન રીસેટ પર ક્લિક કરી રીસેટ કરી દેવાનો છે. જેથી ફોનનો સમગ્ર ડેટા ડીલીટ થઈ જશે. 

ફોનના ડેટાનું બેકઅપ જરૂર લ્યો
ફોન વેચવા અથવા બદલવા પહેલા તમારે પોતાનો જરૂરી ડેટા અને બેકઅપ લઈ લેવો જોઈએ. જેનાથી તમારો ડેટા ક્યારેય લિક નહિ થાય.  તમારે સેટીંગમાં જઈ બેકઅપના ઓપ્શનમાં જઈ ક્લિક કરવું પડશે. તમારા દરેક ફોટા,વિડીયો અને ડોક્યુમેન્ટ ગૂગલ ડ્રાઈવમાં સેવ થઈ જશે. 

ગુગલમાં લોગ આઉટ કરવું છે ખુબ જ જરૂરી
ફોન વેચતાં પહેલાં ગુગલ એકાઉન્ટ લોગ આઉટ કરવું ખુબ જ જરૂરી છે. આ માટે તમારે ફોનની સેટિંગમાં જઈ યુઝર એન્ડ એકાઉન્ટના ઓપ્શન પર જવું પડશે. આ બાદ તમને રીમૂવ કરવાનો વિકલ્પ જોવા મળશે. જેના પર ક્લિક કરો જેથી આપનું એકાઉન્ટ લોગ આઉટ થઈ જશે. 

પાસવર્ડને જરૂર હટાવો
સ્માર્ટફોન વેચતાં પહેલા પાસવર્ડને હટાવી દેવો ખુબ જરૂરી છે. અને જો તમે આવું ન કરો તો તમારો અંગત ડેટા ખોટા હાથોમાં જઈ શકે છે. એના માટે બ્રાઉઝરના પ્રોફાઈલમાં જઈ સેવ પાસવર્ડના ઓપ્શનને પસંદ કરવો પડશે. ત્યાં તમને દરેક વેબસાઈટનો પાસવર્ડ દેખાશે. જેમને તમે ઉપયોગ કરી શકો છો. આ પાસવર્ડને ડીલીટ કરવા માટે ત્રણ ટપકાં આપેલા હશે તેના પર ક્લિક કરવી પડશે. હવે તમારી સામે રીમૂવનો વિકલ્પ આવશે. જેના પર ક્લિક કરો. ત્યારબાદ તમારો પાસવર્ડ ડિલીટ થઈ જશે.