નિર્ણય / LRD મહિલા ભરતી પ્રક્રિયાને લઈ મોટા સમાચાર, રાજ્ય પોલીસવડા શિવાનંદ ઝાએ કર્યો આ હુકમ

• આવતીકાલથી બાકી ભરતી પ્રક્રિયા શરૂ કરવા આદેશ 
• 15 જુલાઈ સુધીમાં નિમણૂક કરવાના DGPના આદેશ
• લોકરક્ષકોને 15 જુલાઈ સુધી હાજર થવા હુકમ કરાયા

DGP શિવાનંદ ઝા દ્વારા બિન હથિયારી અને હથિયારી મહિલા લોકરક્ષકોને 15 જુલાઈ સુધી હાજર થવાનો હુકમ કરવામાં આવ્યો. જેમને નિમણૂક પત્ર આપવાના બાકી છે તેમને મેડિકલ, ચારિત્ર્ય સર્ટિફિકેટ અને દસ્તાવેજી ચકાસણી પૂર્ણ કરવામાં આવે.

આશરે 2 હજાર મહિલાઓને નિમણૂક પત્રોની રાહ હતી. 20 તારીખ સુધી નિમણૂક પત્રો નહીં અપાય તો આંદોલન કરીશું તેવી મહિલાઓએ ચિમકી ઉચ્ચારી હતી. રાજ્યના અલગ અલગ જિલ્લાઓમાં મહિલાઓએ આવેદનપત્ર પણ આપ્યા હતા. નિમણૂક પ્રક્રિયા પૂરી કરવાની માગ સાથે રજૂઆત કરી હતી. ભરતીમાં પસંદ થયેલી મહિલાઓને નિમણૂક પત્રો મળ્યા ન હતા.