આર યા 'પાર' / વિંડફાર્મ કંપનીઓ મનફાવે તેમ કામ કરે તે સાંખી નહીં લેવાય, દ્વારકાના ખેડૂતોનો વિરોધ

• દ્વારકામાં વિંડફાર્મ કંપનીઓ સામે વિરોધ
• કે.પી.એનર્જી અને મિયાણી પાવર ઇન્ફા સામે રોષ
• કંપનીએ 13 જેટલા વિંડફાર્મ ઉભા કરતા વિવાદ
• પાનોર તળાવમાં પાળ બાંધી દેતા પાણીની આવક બંધ થઈ

કલ્યાણપુર તાલુકાના ખાખરડા ગામે વીંડફાર્મ કંપનીઓ વિરુદ્ધ ખેડૂતોમાં રોષ વ્યાપ્યો છે કે.પી એનર્જી અને મિયાણી પાવર ઇન્ફા કંપની 13 જેટલા વીંડફાર્મ ટાવર ઉભા કરતી હોય વિવાદ વકર્યો છે કંપની દ્વારા કલ્યાણપુર તાલુકાના 28 ગામોમાં વીંડફાર્મ ઉભા કરવાની કામગીરી શરૂ થવાની છે ત્યારે ખાખરડા ગામે કામ શરૂ થતાની સાથેજ ખેડૂતોએ વિરોધ નોંધવાનું શરૂ કરતાં કંપનીની કામગીરી વિવાદમાં સપડાઈ છે ગામના પાનોર તળાવમાં કંપનીએ પાળ બાંધી દીધેલ હોઈ પાણીની આવક બંધ થતાં ગ્રામજનોએ વિરોધ નોંધાવ્યો છે કંપની દ્વારા નીતિ નિયમો નેવે મૂકી કામ કરતા હોવાનો ખેડૂતોનો આક્ષેપ છે કંપનીએ જુના હોજ બુરી દીધા છે તેમજ તળાવમાંથી વીજ પોલ ઉભા કરાતા હોવાથી ગામલોકોમાં રોષ વ્યાપ્યો છે. કંપનીએ દાદાગીરીથી કામ કરતી હોવાનો ખેડૂતો આક્ષેપ લગાવી રહ્યા છે 

સીમતળના રસ્તાઓ પર કંપનીએ વીજ પોલ ઉભા કર્યા
કંપનીએ નરેગામાં બનાવેલ રાતો વોકડો તળાવની પાળ તોડી રસ્તો બનાવેલ છે કંપનીએ સીમતળના રસ્તાઓ પર કંપનીએ વીજ પોલ ઉભા કર્યા છે પાનોર તળાવ અંદર કિંમતી ખનીજની ભરતી કરી પાળ ઉભી કરતા તળાવમાં પાણીની આવક બંધ થઈ છે પશુઓ માટે અને વાડી વિસ્તારના લોકો માટે આ તળાવ જીવાદોરી સમાન છે ત્યારે પાળ બનતા ખેડૂતો અને પશુઓને નુક્સાન મોટું નુકશાન જશે તેવો દાવો કરવામાં આવ્યો છે.28 ગામના લોકોએ અનેક રજુઆત આ મામલે તંત્રને કરી છે પણ હજુ સુધી ન્યાય ન મળતા ખેડૂતોએ વિરોધનો રસ્તો અપનાવ્યો છે. સાથે જ જો ન્યાય નહીં મળે તો ઉગ્ર વિરોધની ચીમકી પણ ઉચ્ચારી છે. વીટીવીએ પોતાની ફરજ નિભાવતા વરસાદી માહોલમાં ખેડૂતોની વ્યથા સાંભળવા ગ્રાઉન્ડ લેવલ પર રિયાલિટી ચેક હાથ ધર્યું હતું અને સ્થળ પર જઈ ખેડૂતોની વ્યથાને સાંભળી તેને વાચા આપી હતી    

આ પહેલા પણ ખેડૂતો કરી ચૂક્યા છે વિરોધ
તંત્ર દ્વારા આંખ આડા કાન કરી કંપનીને પ્રત્યક્ષ રીતે મદદ કરવામાં આવી રહી હોય તેવો ઘાટ રચાયો છે. જેને લઈ કલ્યાણપુર મામલતદાર કચેરી અંદર જ 28 ગામના 400-500 ગ્રામજનો એકત્રિત થઈ શિવલિંગની પૂજા અર્ચના કરી તંત્રને સદબુદ્ધિ મળે તે માટે પ્રાર્થના કરી નવતર વિરોધ નોંધાવ્યો હતો. ખેડૂતોની સાથે કિસાન કોંગ્રેસ પણ વિરોધમાં જોડાઈ હતી અને માંગ કરી હતી કે લાખો કરોડોની ખનીજ ચોરી કંપનીએ કરી છે તેની વિરુદ્ધ ફોજદારી રાહે કાર્યવાહી કરવામાં આવે, જે ખનીજ વિસ્તરમાં 3 હેકટર જમીન ફાળવવામાં આવી છે તે પરત લેવામાં આવે, ગૌચરમાં જે જમીન ફાળવવામાં આવી છે તે પરત લેવામાં આવે તેવી માંગ કિસાન કોંગ્રેસની આગેવાનીમાં કરવામાં આવી હતી.