રજૂઆત / 15 વર્ષથી નોકરી કરીએ છીએ, PSI પદે પ્રમોશન આપો: ગુજરાત હાઈકોર્ટમાં કૉન્સ્ટેબલોની અરજી

• PSI ભરતી વિવાદ મુદ્દે હાઇકોર્ટમાં વધુ એક અરજી
• પોલીસના MT વિભાગમાં કામ કરતા કોન્સ્ટેબલોએ કરી અરજી
• પ્રમોશન આપી PSIની ભરતીમાં સમાવેશ કરવા માંગ

ગુજરાત પોલીસ ભરતી બોર્ડ દ્વારા પોલીસ સબ ઇન્સપેક્ટરની ભરતીની જાહેરાત કરાયા બાદ ગુજરાતના કુલ 312 પરીક્ષા કેન્દ્રો પર 88,880 ઉમેદવારોએ PSIની પ્રિલિમનરી પરીક્ષા આપી હતી. જે PSI ભરતી વિવાદ મુદ્દે ગુજરાત હાઇકોર્ટમાં વધુ એક અરજી કરવામાં આવી છે. ગુજરાત પોલીસના MT વિભાગમાં ફરજ બજાવતા કોન્સ્ટેબલોએ  હાઇકોર્ટમાં અરજી કરી છે. અને 
PSI ભરતીમાં પ્રમોશનના આધાર પર ભરતી કરવા માંગ કરાઇ છે. 

પ્રમોશન આપી PSI ભરતીમાં સમાવેશ રજૂઆત 
પીએસઆઈની મુખ્ય પરીક્ષા તા. 26 મેના રોજ યોજાશે. ત્યારે  PSI ભરતી મુદ્દે  પોલીસના MT વિભાગમાં કામ કરતા કોન્સ્ટેબલોએ હાઇકોર્ટમાં અરજી કરી છે. તા. 23 અને 26 મેના રોજ યોજાનારી પરીક્ષા બેસવાની છૂટ આપવા અંગે રજૂઆત કરવામાં આવી છે. વધુમાં PSI ભરતીમાં પ્રમોશનના આધાર પર ભરતી કરવાની પણ અરજદારોએ રજૂઆત કરી છે. અરજદારોના જણાવ્યા અનુસાર છેલ્લા 15 વર્ષથી વધુ સમયથી ફરજ બજાવી રહ્યા છીએ તો પ્રમોશન આપી PSIની ભરતીમાં સમાવેશ કરવામાં આવે તે જરૂરી છે. વધુમાં આ મુદે  HCમાં અરજી પર સુનાવણી હાથ ધરવામાં આવશે. આ મામલે હાઇકોર્ટે રાજ્ય સરકાર અને ભરતી બોર્ડને  નોટિસ ફટકારીઓ હોવાનું પણ સામે આવ્યું છે. 

PSIની ભરતીને લઈ હાઈકોર્ટમાં અગાઉ પણ થઈ હતી અરજી 
ગુજરાત પોલીસ ભરતી બોર્ડ દ્વારા મહિલા અને પુરૂષ પોલીસ સબ ઇન્સપેક્ટરની કુલ 1382 પદ માટે ભરતી પ્રક્રિયા હાથ ધરાઇ છે. જેમાં બિન હથિયારી psiની  202 જગ્યા છે. બિન હથિયારી મહિલા psi માટે 98 પદ છે. હથિયારી પોલીસ સબ ઇન્સપેક્ટર (પુરૂષ) ની 72 જગ્યા, ઇન્ટેલિજન્સ ઓફીસર (પુરૂષ)18, ઇન્ટેલિજન્સ ઓફિસર (મહિલા) 9, બિન હથિયારી મદદનીશ સબ ઇન્સપેક્ટર (પુરૂષ) 659, બિન હથિયારી મદદનીશ સબ ઇન્સપેક્ટર (મહિલા) 324 આ પ્રકારે કુલ 1382 જગ્યાઓની જાહેરાત કરવામાં આવી છે. જે ભરતીની પ્રિલિમનરી પરીક્ષા માર્ચ મહિનામાં રાજ્યના કુલ 312 પરીક્ષા કેન્દ્રો પર 88,880 ઉમેદવારોએ આપી હતી. જેનું 27 એપ્રિલના રોજ પરીક્ષાનું પરિણામ જાહેર કરવામાં આવ્યું હતું. અને આગામી મુખ્ય પરીક્ષા માટે કુલ 4311 ઉમેદવાર ક્વૉલિફાય થયા છે. મહત્વનું છે કે, તાજેતરમાં ૨૫૦થી વધુ અરજદારો દ્વારા PSIની ભરતીને લઈ હાઈકોર્ટમાં અગાઉ પણ અરજી કરવામાં આવી હતી.  જેમાં ૨૫૦ વધુ અરજદારો દ્વારા અરજી કરી  GPSCની પેટન પ્રમાણે રિઝલ્ટ આપવામાં માંગ કરવામાં આવી હતી.