દિલ્હી / માં તારો હેત કયાં ગયો..માસૂમ બાળકીને કીડનેપ કરાવવાનો રચ્યો કારસો, કારણ જાણી પગ તળેથી જમીન સરકી જશે

• દિલ્હીમાં 40 દિવસની બાળકી થઈ કિડનેપ
• માતાએ પોલીસમાં નોંધાવી ફરિયાદ
• છેલ્લે શકનો કાંટો માતા તરફ વળતાં સત્ય આવ્યું બહાર

દિલ્હી: બુધવારે સાંજે 5:10 મિનીટ પર એક મહિલાએ પોતાની બાળકીની કિડનેપિંગની ફરિયાદ પોલીસને કરતાં જણાવ્યું કે ઝંડેવાલાન મંદિરની પાસે બાઈક સવારે તેની બાળકીને ખોળામાંથી છીનવીને પોતાની સાથે લઈ ફરાર થયાં છે. આ કૉલથી દિલ્હી પોલીસ ડિપાર્ટમેન્ટમાં અફરાતફરી મચી ગઈ હતી.

મંદીરમાં મળી આવી બાળકી
કૉલ મળતાંની સાથે જ પોલીસ એક્શન મોડમાં આવી ગઈ હતી અને માતાએ કરેલ ફરિયાદ નોંધીને CCTV ફુટેજની મદદથી તપાસ હાથ ધરી હતી. તપાસ દરમિયાન પોલીસને જાણકારી મળી કે મૌરિસ નગરમાં કપડાંમાં વીંટળાયેલી એક બાળકી મંદિરનાં દાદરા પર ત્યજેલી મળી આવી હતી. પોલીસ મૌરિસ નગરનાં તે મંદિર પર પહોંચી અને બાળકીને શોધી કાઢી હતી. પરિવારજનોએ જ્યારે બાળકીને જોઈ તો તેમનાં આનંદની કોઈ સીમા ન રહી. બાળકીનાં પિતા એક રાજનીતિક દળનાં નેતા છે. 

મોબાઈલ લોકેશનથી શક થયો
નાનકડી બાળકી મળ્યાં બાદ પોલીસ ગુનેગારોને પકડવાની તૈયારીમાં લાગી ગઈ હતી પરંતુ જ્યારે પોલીસે સીસીટીવી ફુટેડ, માતાની CDR અને તેમની મોબાઈલ લોકેશન નિકાળી તો શકનો કાંટો માતા તરફ વળ્યો. માતાની લોકેશન એ જ વિસ્તારની આવી રહી હતી જ્યાંથી પોલીસે બાળકીને પ્રાપ્ત કરી. ત્યારબાદ પોલીસે માતા સાથે પૂછપરછ કરી તો સમગ્ર સત્ય બહાર આવ્યું.

સત્ય બહાર આવ્યું
બાળકીની માતાએ જણાવ્યું તે તેણે જ પોતાની બાળકીને મૌરિસ નગરનાં મંદિરની પર છોડી દીધેલ હતું અને ઝંડેવાલાન વિસ્તારમાં પહોંચીને પોલીસને કોલ કર્યો હતો. તેણે કહ્યું કે તેની પાસે પહેલાંથી જ 2 દિકરીઓ છે જેના કારણે તેણે પોતાની ત્રીજી 40 દિવસની બાળકીને ત્યજી દીધી.