પશ્ચિમ બંગાળમાં હડતાળ પર ઉતરેલા ડોકટરોએ જણાવ્યું હતું કે તેઓ મુખ્યમંત્રી મમતા બેનરજીને મળવા તૈયાર છે, પરંતુ આ વચ્ચે ઇન્ડિયન મેડિકલ એસોસિયેશન (IMA) કહ્યું છે કે બંગાળમાં ભલે હડતાળ સમાપ્ત થઇ જાય પરંતુ તેઓ તબીબોની સુરક્ષાની માંગને લઇને દેશભરમાં હડતાળ કરશે. જેને લઇને સવારથી દેશભરમાં અંદાજે 3 લાખથી વધુ ડોકટર હડતાળ પર રહેશે.
આમ પશ્ચિમ બંગાળમાં ડોકટર સાથે થયેલી મારપીટની ઘટનાના વિરોધમાં દેશભરમાં ડોકટરો હડતાળ પર રહેશે. રવિવારે IMA દ્વારા જણાવામાં આવ્યું હતું કે કેન્દ્રિય ચિકિત્સક સુરક્ષા કાનૂન લાવવાની માંગને લઇને આજરોજ સવારે 6 વાગ્યાથી સાંજના 6 વાગ્યા સુધી હડતાળ પર ઉતરશે.
આ સાથે સરકારી હોસ્પિટલના રેજીડેંટ તેમજ આયુષ્યના તબીબો પણ હડતાળ પર રહેશે. જેના કારણે અંદાજે 10 લાખ જેટલા ડોકટરો ઓપીડીમાં જોવા મળશે નહીં. પશ્ચિમ બંગાળમાં ડોક્ટરોની હડતાલની દેશભરમાં અસર થશે. આજે દેશભરમાં આરોગ્ય સેવાઓ બંધ રહેશે. ડોક્ટરોના વિરોધને લઇ IMAએ બંધનું એલાન આપ્યું છે.
ગુજરાત સહિત દેશભરમાં દર્દીઓ મેડિકલ સેવાથી વંચિત રહેશે. ઇમરજન્સી સેવાઓ સિવાયની તમામ મેડિકલ સેવા બંધ રહેશે. IMA સાથે સંલગ્ન 3.5 લાખ ડોક્ટર-હોસ્પિટલ બંધમાં જોડાશે. દિલ્લી મેડિકલ એસોસિએશનના 18 હજાર ડોક્ટરો પણ બંધમાં જોડાશે. IMAએ કેન્દ્ર સરકાર પાસે કાયદો લાવવાની માગ કરી છે. ડોક્ટરોની સુરક્ષા માટે કાયદો લાગું કરવાની માગ કરી છે. બંગાળમાં ડોક્ટરોને માર મારતા ડોક્ટરો વિરોધ કરી રહ્યાં છે.