દંડાયો / મૂકબધીર બાળકી સાથે દુષ્કર્મ કેસ : ડીસા કોર્ટે ઇતિહાસમાં પ્રથમ વખત દુષ્કર્મીને આપી ફાંસીની સજા

• ડીસા-ભાભરમાં મૂકબધીર બાળકી સાથે દુષ્કર્મ કેસ
• હવસખોર આરોપીને ફાંસીની સજા
• ડીસા કોર્ટનો ઐતિહાસિક ચુકાદો

બનાસકાંઠામાં ડીસા પાસે દોઢ વર્ષ અગાઉ મુકબધીર સગીરા સાથે દુષ્કર્મ બાદ હત્યા કરનાર આરોપીને ફાંસીની સજા ફટકારવામાં આવી છે. ડીસાની એડિશનલ સેશન્સ કોર્ટે ફાંસીની સજા ફટકારી ઐતિહાસિક ચુકાદો આપતા લોકોએ તેણે આવકાર્યો છે.

શું હતો સમગ્ર ચકચારી બનાવ?
સમગ્ર ચકચારી ઘટનાની વાત કરીએ તો ડીસા ખાતે રહેતા એક પરિવારની મુકબધીર સગીર દીકરીને તેના સગા મામાના દીકરાએ તેના ઘરે લાવી દુષ્કર્મ આચર્યું હતું.  દુષ્કર્મ આચર્યા બાદ આ સગીરા કોઈને કહી દેશે તેવી ડર લાગતા આરોપીએ સગીરાની હત્યા કરવાનો પ્લાન ઘડ્યો હતો. બાદમાં આરોપીએ તીક્ષ્ણ હથિયાર અને ધારદાર આરી પટ્ટી બજારમાંથી ખરીદી 16.10.2021 ના સાંજના સમયે આ સગીરાને તેના ઘરેથી અપહરણ કરી ભાખર ગામની અવાવરુ જગ્યા એ લઈ ગયો હતો. 

નરાધમે ગળુ કાપી નાખી ધડ થી દુર ફેંકી દીધુ હતું
જ્યાં આરોપીએ ફરી સગીરા સાથે દુષ્કર્મ આચરી ધારદાર આરી પટ્ટીથી તેનું ગળુ કાપી નાખી ધડ થી દુર ફેંકી દીધુ હતું અને ત્યાંથી નાસી ગયો હતો. જે મામલે દાંતીવાડા પોલીસે તાત્કાલિક   આરોપીને ઝડપવા તજવીજ હાથ ધરતા ગણતરીની કલાકોમાં આરોપી ને ઝડપી લઈ જેલ હવાલે કર્યો હતો. જોકે આ ચકચારી અને અધમ ઘટનાને લઈને સમગ્ર ગુજરાતમાં ઘેરા પ્રત્યાઘાતો પડ્યા હતા અને આરોપીને કડક સજા મળે અને ઝડપી કેસ ચલાવવા સરકાર સમક્ષ રજૂઆતો થઈ હતી 

આરોપી સામે પોક્સો 376, 302 મુજબ નોંધાયો હતો ગુનો
જે કેસ ડીસાની બીજી એડિશનલ સેશન્સ કોર્ટમાં ચાલતા સરકરી વકીલ કે જી પઢીયાર અને સરકારે કેસમાં સ્પેશીયલ પબ્લિક પ્રોડ્યુસર તરીકે સી જી રાજપૂતની નિમણૂક કરેલ જેમાં કોર્ટમાં જજ બી જી દવેની કોર્ટમાં રજૂઆતો કરતા અને કોર્ટ એ 50 થી વધુ તારીખો પાડી 58 જેટલા સાક્ષીઓ ને સાંભળી નામદાર કોર્ટે આરોપી નીતિન માળી ને ફાંસીની સજા ફટકારી છે. ભવિષ્યમાં આવા ગુન્હાઓ બનતા અટકે આવી ઘટનાનું પુનરાવર્તન ન અને સમાજમાં દાખલો બેસે તે માટે ફાંસીની સજાનો ઐતિહાસિક ચુકાદો આપતા સગીરાના પરિવારે ન્યાય તંત્રનો આભાર માન્યો હતો.

ડીસા કોર્ટે ઇતિહાસમાં પ્રથમ વખત કોઈ આરોપીને ફાંસીની સજા આપી
ડીસા કોર્ટમાં ઇતિહાસમાં પ્રથમ વખત ફાંસીની સજા ફટકારતો ચુકાદો આપ્યો છે.ત્યારે આ ચુકાદાને ડીસા કોર્ટ સહિત જિલ્લાભરમાં ચર્ચાનો વિષય બન્યો હતો. લોકોએ કોર્ટના આ કડક ચુકાદાને આવકાર્યો હતો.