મુંબઇઃ કેન્દ્રીય રિઝર્વ બેંક અને કેન્દ્ર સરકાર વચ્ચેની ખેંચતાણ વચ્ચે સોમવારે RBI બોર્ડ બેઠક મળી હતી. દિવસભર ચાલેલી આ મેરેથોન બેઠકમાં અનેક સમસ્યાઓ પર ચર્ચાની સાથેસાથે વિવિધ મુદ્દાઓ પર ચર્ચા થઈ હતી. જેને લઈને છેલ્લા કેટલાય દિવસોથી સરકાર અને RBI વચ્ચે વિવાદ ચાલી રહ્યો હતો.
જોકે આ બેઠક દરમિયાન કેન્દ્રીય બેંક ઈકો કેમ્પ ફ્રેમવર્ક માટે એક એક્સપર્ટ સમિતિનું ગઠન કરવામાં આવશે. જે સમિતિ કેન્દ્ર સરકાર સાથેના વિવાદીત મુદ્દાઓના નિવારણ માટે કામ કરશે. આ સમિતિનું ગઠન કેન્દ્ર સરકાર અને RBI સાથે મળીને કરશે.
આ સિવાય આરબીઆઇ બોર્ડે કેન્દ્રીય બેંકને સલાહ આપી છે કે તેઓ મીડિયમ એન્ડ સ્મોલ સેક્ટર ઇન્ડસ્ટ્રીઝને મદદ પહોંચાડવા માટે ફોર્મૂલા તૈયાર કરે. આ હેઠળ એમએસએમઇ સેક્ટરને રિઝર્વ બેંક 25 કરોડ સુધીના દેવા માટે એક નવી સ્કીમ પણ લાવવાનું કામ કરશે.
મહત્વનું છે કે કેન્દ્ર સરકાર અને RBI વચ્ચે કેન્દ્રીય બેંકના રિઝર્વ રૂપિયાને લઈને વિવાદ ચાલી રહ્યો છે. કેન્દ્ર સરકારનો દાવો હતો કે રિઝર્વ બેંક જરૂરિયાતથી વધુ રૂપિયા રિઝર્વમાં રાખી રહી છે. જ્યારે આ રૂપિયાનો ઉપયોગ અર્થવ્યવસ્થામાં કરી શકાય છે. આ મુદ્દા પર હવે નવી એક્સપર્ટ સમિતિ નિર્ણય કરશે.