તમારા કામનું / ખુશખબર, DCGIએ કોવિડ 19ની રસીના બીજા- ત્રીજા ચરણના માનવ પરિક્ષણની મંજૂરી આપી

• ડીસીજીઆઈના ડિરેક્ટર ડૉ. વી. જી સોમાનીએ રવિવારે મોડી રાતે આપી મંજૂરી
• ત્રીજા ક્લિનિકલ ટ્રાયલ પહેલા ડેટા સીડીએસસીઓની પાસે જમા થશે
• આ રસીના ત્રીજા ચરણનું પરિક્ષણ બ્રિટનમાં ચાલી રહ્યું છે

સરકારી અધિકારીઓએ જણાવ્યું કે એસઆઈઆઈને આ મંજૂરી ડીસીજીઆઈના ડિરેક્ટર ડૉ. વી. જી સોમાનીએ રવિવારે મોડી રાતે આપી છે. આ પહેલા તેમણે કોવિડ 19ના વિષય વિશેષજ્ઞ સમિતિ(એસઈસી)ની અનુશંસાઓ પર ગુઢ વિચાર વિમર્શ કર્યુ હતું.

એક વરિષ્ઠ અધિકારીએ જણાવ્યું કે કંપનીના ત્રીજા ચરણના ક્લિનિકલ ટ્રાયલ પહેલા સુરક્ષા સંબંધી ડેટા કેન્દ્રના સીડીએસસીઓની પાસે જમા કરાવશે. જેનું મુલ્યાંકન ડીએસએમબીએએ કર્યું હશે.

તેમણે જણકારી આપી કે શોધની રુપરેખા મુજબ શોધમાં ભાગ લેનારા તમામ વ્યક્તિને 4 અઠવાડિયાના અંતરે 2 ડોઝ આપવામાં આવશે. એટલે કે પહેલા ડોઝના 29માં દિવસે બીજો ડોઝ આપવામાં આવશે. આ દરમિયાન તેના સુરક્ષાનું તથા અન્ય તમામ બાબતોનું આકલન કરવામાં આવશે.

અધિકારીએ જણાવ્યું કે વિશેષજ્ઞોની પેનલે પહેલા અને બીજા ચરણના પરિક્ષણ બાદ મળેલા ડેટાનું ગહન અધ્યયન કરી વિચાર વિમર્શ બાદ વયસ્કો પર બીજા અને ત્રીજા ચરણના પરિક્ષણની મંજૂરી આપી છે. ઉલ્લેખનીય છે કે ઓક્સફોર્ડની આ રસીના ત્રીજા ચરણનું પરિક્ષણ બ્રિટનમાં ચાલી રહ્યું છે.