આવતીકાલે 9 સ્થળોએ પ્રજાસત્તાક દિવસે ખેડૂતોની ઘોષણા મુજબ ટ્રેક્ટર પરેડ થશે. તેમાં સિંઘુ, ટિકરી, ગાઝીપુર, ચિલ્લા બોર્ડર અને દિલ્હીની ધાસા બોર્ડર શામેલ છે.
દિલ્હીમાં આવતી કાલે થશે ટ્રેક્ટર પરેડ
કિસાન યુનિયને કરી મોટી જાહેરાત
1 ફેબ્રુઆરીએ સંસદ સુધી કરશું પૈદલ માર્ચ
પ્રજાસત્તાક દિવસે ટ્રેક્ટર પરેડની તૈયારીઓ વચ્ચે ખેડૂત સંગઠનોએ જાહેરાત કરી છે કે તેઓ 1 ફેબ્રુઆરીના રોજ તેઓ સંસદ તરફ વોકિંગ માર્ચ એટલે કે પગપાળા કૂચ કરશે. ક્રાંતિકારી કિસાન યુનિયનના નેતા દર્શન પાલે કહ્યું છે કે 1 ફેબ્રુઆરીના રોજ અમે દિલ્હીના જુદા જુદા સ્થળોથી સંસદ તરફ પદયાત્રા કરીશું.
On February 1, we will march on foot towards Parliament in Delhi from different locations: Darshan Pal, Krantikari Kisan Union
કિસાન યુનિયનનું આ નિવેદન એવા સમયે આવ્યું છે જ્યારે આવતીકાલે દિલ્હીમાં ટ્રેક્ટર પરેડ નીકળવાની છે. સિંઘુ બોર્ડર પર વિરોધ કરી રહેલા ખેડૂતો વતી કહેવામાં આવ્યું છે કે આવતીકાલે 9 સ્થળોથી પ્રજાસત્તાક દિવસની ટ્રેક્ટર પરેડ યોજાશે. તેમાં સિંઘુ, ટિકરી, ગાઝીપુર, ચિલ્લા બોર્ડર અને દિલ્હીની ધાસા બોર્ડર શામેલ છે.
બીજી તરફ, કિસાન મઝદુર સંઘર્ષ સમિતિના શ્રવણસિંહે ટ્રેક્ટર માર્ચ અંગે કહ્યું છે કે, દિલ્હીના આઉટર રિંગરોડ પર, અમે શાંતિપૂર્ણ રીતે ટ્રેક્ટર પરેડ કરીશું અને તે રેલી પછી અમે અમારી જગ્યાએ પરત આવી જઈશું. જો કે અમારું આંદોલન 26 જાન્યુઆરી પછી પણ ચાલુ રહેશે.
સૈનિકોની જેમ કરીશું પરેડ : રાકેશ ટિકૈત
તે જ સમયે, ભારતીય કિસાન યુનિયનના પ્રવક્તા, રાકેશ ટિકૈતે કહ્યું છે કે, ખેડૂતોએ તેમના ખેતરોમાં તિરંગાને જોડી દીધો છે. સૈનિકો જેમ પરેડ કાઢે છે તેમ જ હવે ખેડૂતો પણ પરેડ કાઢશે.અમે ખેડૂત છીએ અને અમે જ જવાન છીએ. ટ્રેક્ટર પરેડમાં, અમારા દરેક માણસો જવાનોની જેમ કામ કરશે. અમારી દિલ્હી પોલીસ સાથે કોઈ લડાઈ નથી.
આ સિવાય ટ્રેક્ટર પરેડ અંગે દિલ્હી ટ્રાફિક પોલીસ દ્વારા ગાઈડલાઇન્સ જાહેર કરવામાં આવી છે. આ સમય દરમિયાન, લોકોને કોઈ પણ પ્રકારની મુશ્કેલીનો સામનો ન કરવો પડે તે માટે, ચાલુ માર્ગઅને ટ્રાફિક ડાયવર્ઝન વિશેની વિગતવાર માહિતી આપવામાં આવી છે.