IPLIN
 

Sports / ઓસ્ટ્રેલિયામાં દુર્વ્યવહાર મામલો : સિરાજ અને ટીમ ઈન્ડિયા માટે ડેવિડ વૉર્નરની પોસ્ટે દિલ જીતી લીધું

Team VTV 02:19 PM, 12 Jan 21
Follow us
David Warner's post won hearts for Siraj and Team India

ભારત અને ઓસ્ટ્રેલિયા વચ્ચે ચાર ટેસ્ટ મેચની બોર્ડર ગાવાસ્કર સિરીઝની ત્રીજી મૅચ સિડની ક્રિકેટ ગ્રાઉન્ડ પર રમાઇ હતી. જે ડ્રો થઇ હતી. આ મૅચ દરમિયાન ઓસ્ટ્રેલિયાના ફેન્સે ટીમ ઇન્ડિયાના ફાસ્ટ બૉલર મોહમ્મદ સિરાઝ અને જસપ્રિત બુમરાહ પર કમેન્ટ કરી હતી, જેને લઇને ખુબ વિવાદ થયો હતો. આ મુદ્દે ઓસ્ટ્રેલિયાના સ્ટાર બેટ્સમેન ડેવિડ વોર્નરે ટીમ ઇન્ડિયાની માફી માંગી છે. 

  • ડેવિડ વૉર્નરે માંગી માફી 
  • રેસિઝમ પર કમેન્ટ થતા ઓસ્ટ્રેલિયા શરમમાં 
  • વિરાટ કોહલી પણ ભડક્યો હતો

પહેલી વાર ઓસ્ટ્રેલિયાના પ્રવાસે ગયેલા સિરાઝ સિવાય બુમરાહને પણ સતત 2 દિવસ ફેન્સની કમેન્ટનો શિકાર થવું પડ્યું હતું. ચોથા દિવસે તો થોડા વાર માટે રમત રોકવી પડી હતી જ્યારે ટીમ ઇન્ડિયાએ એમ્પાયરને ફરિયાદ કરી હતી. જે બાદ 6 દર્શકોને મેદાનમાંથી બહાર કાઢી મુક્યા હતા અને ક્રિકેટ ઓસ્ટ્રેલિયાએ માફી માંગી હતી. 

શું લખ્યુ વૉર્નરે 
વૉર્નરે લખ્યું કે, હું મોહમ્મદ સિરાઝ અને ટીમ ઇન્ડિયાની માફી માંગુ છુ. રેસિઝમ અને ખોટો વ્યવહાર ક્યાંય પણ અને ક્યારેય પણ સ્વિકાર્ય નથી. આશા છે કે દર્શક આગળથી સારુ વર્તન કરશે. 

 

 

મૅચ વિશે પણ કહ્યું વૉર્નરે

મૅચ વિશે વૉર્નરે કહ્યું કે ઇજાના કારણે પહેલી 2 મૅચથી બહાર રહ્યા બાદ વાપસી કરીને ખુબ સારુ લાગી રહ્યું છે. તેમણે કહ્યું કે, વાપસી કરીને ખુબ જ સારુ લાગ્યુ છે અને મૅચ જેવી અમે ઇચ્છતાં હતા તેવી રહી નહી પરંતુ ભારતને અભિનંદન કે તેમણે શાનદાર વાપસી કરી છે. આ જ કારણ છે કે ક્રિકેટ સાથે અમને ખુબ પ્રેમ છે. આ આસાન ખેલ નથી. હવે બ્રિસબેનમાં છેલ્લી અને નિર્ણાયક મૅચ પર નજર રહેશે અને ત્યાં રમવાની કંઇક અલગ જ મજા છે. 

 

 

ઓસ્ટ્રેલિયન ક્રિકેટર્સ અને ફેન્સના ગેરવર્તન પર ક્રિકેટના ઇતિહાસકારો સરળતાથી એક બુક લખી શકે છે. સિડની ટેસ્ટમાં ભારતીય ઝડપી બોલર્સ મોહમ્મદ સિરાજ અને જસપ્રીત બુમરાહ પહેલાં દિવસથી જ કેટલાક દર્શકોના નિશાના પર છે. બંનેને બ્રાઉન ડોગ, મંકી જેવા અપશબ્દોનો સામનો કરવો પડ્યો હતો. ક્રિકેટર્સ પર અપશબ્દો કહેવાયા. આ બધું થયા બાદ ઓસ્ટ્રેલિયન દર્શકો અને ક્રિકેટર્સમાં એવું કહેવાની હિંમત ખબર નહીં ક્યાંથી આવી કે આ નાની-મોટી ઘટનાઓ થતી રહે છે. કોમેન્ટ્રી દરમિયાન ગ્લેન મેક્ગ્રા કહી રહ્યો હતો કે, આવી બાબતોને ખેંચવી ન જોઈએ. જો બુમરાહ કે સિરાજની જગ્યાએ મેક્ગ્રા કોઈ એશિયાઈ દેશમાં હોય અને તેને પણ આ રીતે અપશબ્દો કહેવામાં આવતા ત્યારે કદાચ ખબર પડતી કે આવી ટિપ્પણીઓથી કોઈની માનસિક સ્થિતિ પર કેવી અસર થાય છે.

 

 

ટીમે ફરિયાદ કરી તો હવે ઓસ્ટ્રેલિયા કરશે તપાસ

સિરાજે પહેલાં કેપ્ટન અજિંક્ય રહાણે અને પછી ઓન-ફિલ્ડ અમ્પાયર્સ સાથે ફેન્સના વ્યવહારની ફરિયાદ કરી. ત્રીજા દિવસે 10 મિનિટ સુધી રમત રોકવામાં આવી. સિક્યોરિટી બોલાવીને 6 લોકોને બહાર કરાયા. શનિવારની ઘટના બાદ ભારતીય ટીમે આઈસીસીને ફરિયાદ કરી છે. જાતિવાદ ટિપ્પણીઓ કરતા ફેન્સે બુમરાહ અને સિરાજને કહ્યું, તમે કાળા કૂતરા છો, ઘરે જતા રહો. અમે તમને પસંદ નથી કરતા. બંને ક્રિકેટર્સને મંકી, વૈંકર સહિત અન્ય અપશબ્દો કહેવામાં આવ્યા. ત્યારે હવે આ ઘટનાથી જોડાયેલા કેટલાક વીડિયો સામે આવ્યા છે જેમાં ઓસ્ટ્રેલિયન ફેન્સનો વ્યવહાર સાંભળી શકાય છે.

 

 

ક્રિકેટ ઓસ્ટ્રેલિયાએ માફી માગી, કોહલી ભડક્યો

ઓસ્ટ્રેલિયન ક્રિકેટ બોર્ડે ભારતીય ટીમની માફી માગતા આ મામલે તપાસની વાત કરી છે. CAના સિક્યોરિટી અને ઈન્ટેગ્રિટી હેડ સીન કેરલે કહ્યું, સીરિઝના મેજબાનના તરીકે અમે તેમને (ભારતીય ખેલાડીઓ)ને વિશ્વાસ અપાવીએ છીએ કે અમે સમગ્ર મામલાની તપાસ કરીશું.
 

ક્રિકેટ INDvsAUS test match David warner
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ