SHORT & SIMPLE / રાજકોટમાં બહારનું ખાવાના શોખીનો ચેતજો! વાસી દાબેલી, બેકરી પ્રોડક્ટ મળી આવી, દૂધના નમૂના પણ ફેલ

• રાજકોટની વિવિધ દુકાનમાં ફૂડ વિભાગના દરોડા
• દરોડા દરમિયાન અનેક દુકાનમાંથી મળ્યો વાસી ખોરાક
• શિવમ દાબેલી નામની દુકાનમાંથી 5 કિલો વાસી દાબેલી મળી

 ઉનાળો શરૂ થતાની સાથે જ રાજકોટ ફ્રુડ વિભાગ દ્વારા વિવિધ દુકાનોમાં ચેકીંગ હાથ ધર્યું છે. ત્યારે અમુક દુકાનમાંથી દરોડા દરમિયાન વાસી ખોરાક મળી આવ્યો હતો. જેમાં શિવમ દાબેલી નામની દુકાનમાંથી 5 કિલો વાસી દાબેલી મળી આવી હતી. ફ્રુડ વિભાગ દ્વારા વાસી દાબેલીનો નાશ કરી ફ્રુડ વિભાગે નોટીસ પાઠવી હતી.  જ્યારે બિગ બાઈટ કિચનમાંથી પણ વાસી પ્રોડક્ટ મળી આવી હતી. જેમાં 4 કિલો વાસી બેકરી પ્રોડક્ટ મળી આવતા ફ્રુડ વિભાગે તેનો પણ નાશ કર્યો હતો. તેમજ નાનામવા રોડ પરથી પણ વાસી ખોરાક મળી આવ્યો હતો. જેમાં મેંગો ચીલી રેસ્ટોરન્ટમાંથી 6 કિલો વાસી ખોરાક મળી આવ્યો હતો. જ્યારે મવડીમાં આવેલી રાધેશ્યામ ડેરીમાંથી દૂધના નમુના લેવામાં આવ્યા હતા. જે પણ ફેલ થયા છે. 

ફ્રુડ વિભાગની ઓચિંતી તપાસથી વેપારીઓમાં ફફડાટ
રાજકોટમાં ફ્રુડ વિભાગ દ્વારા ઓચિંતી તપાસ હાથ ધરવામાં આવતા વેપારીઓમાં ફફડાટ વ્યાપી જવા પામ્યો હતો. જ્યારે ઉનાળાની સીઝનમાં બરફનો વપરાશ વધુ હોય છે. ત્યારે ફ્રુડ વિભાગ દ્વારા ગોળા બનાવતા બરફની પણ તપાસ હાથ ધરવામાં આવી હતી. તેમજ તેમાં નાંખવામાં આવતા કલર બનાવતા વેપારીઓને ત્યાં પણ તપાસ હાથ ધરવામાં આવી હતી.