આફત / ગુજરાત માથે વાવાઝોડાનો ખતરો: દરિયાકાંઠા અલર્ટ પર, જાણો કેવી રીતે અપાય છે સિગ્નલ સમજો

• જાફરાબાદ અને પીપાવાવ પર હજુ 1 નંબરનું સીગ્નલ કાર્યરત 
• દરિયાનું વાતાવરણ હાલ શાંત પવનની ગતિ પણ સામાન્ય
• તંત્ર દ્વારા માછીમારોને દરિયો ન ખેડવાની સૂચના 
   

વાવાઝોડાના સંકટ વચ્ચે ગુજરાતના દરિયાકાંઠે એલર્ટ આપવામાં આવ્યું છે. 10 જિલ્લાના દરિયાકાંઠે 1 નંબરનું સિગ્નલ લગાવાયું છે. પોરબંદર, દ્વારકા અને અમરેલી, માંગરોળ, દીવ, ગીર સોમનાથમાં 1 નંબરનું સિગ્નલ લગાવવામાં આવ્યું છે. કચ્છ, મોરબી, ભાવનગર અને વલસાડમાં પણ 1 નંબરનું સિગ્નલ લગાવાયું છે. 4 અથવા 5 જૂને 'હીકા' વાવાઝોડું ત્રાટકી શકે છે.
 
દરિયાકાંઠે અપાતા સિગ્નલને સમજો

1 નંબરનું સિગ્નલ

વાવાઝોડું આવશે કે નહિ તેની ચેતવણી આપતી નિશાની હોય છે. 

2 નંબરનું સિગ્નલ

વાવાઝોડું સક્રિય થયું છે.  બંદર છોડ્યા પછી દરિયામાં જતા જહાજોને સમુદ્રી બળનો સામનો કરવો પડે

3 નંબરનું સિગ્નલ

સપાટીવાળી હવાથી બંદર ભયમાં છે.

4 નંબરનું સિગ્નલ

વાવાઝોડાથી બંદર ભયમાં છે. પરંતુ ભય એવો ગંભીર જાણતો નથી, કે જેનાથી કોઈ સાવચેતીના પગલા લેવા પડે. 

5 નંબરનું સિગ્નલ

થોડા અથવા સાધારણ પ્રકારનું વાવાઝોડું બંદરથી દક્ષિણ દિશા તરફ કિનારાઓ ઓળંગવા સંભાવ છે. 

6 નંબરનું સિગ્નલ 

થોડા અથવા સાધારણ પ્રકારનું વાવાઝોડું બંદરની ઉતર દિશા તરફનો કિનારાઓ ઓળંગવાનો સંભવ છે 

7 નંબરનું સિગ્નલ 

પહોળા અથવા સાધારણ પ્રકારનું વાવાઝોડું બંદર નજીક અથવા બંદરની ઉપર થઈને પસાર થવો સંભવ  જેથી બંદરને ભારે તોફાની પવનનો સામનો કરવો પડશે.

8 નબરનું સિગ્નલ 

ભારે જોરવાળું વાવાઝોડું બંદરથી દક્ષિણ તરફ કિનારો ઓળંગવાનું સંભવ છે, જેથી બંદરે તોફાની હવાનો અનુભવ થાય. 

9 નંબરનું સિગ્નલ 

ભારે જોરવાળું વાવાઝોડું બંદરથી ઉતર તરફ કિનારો ઓળંગે તેવી સંભાવના 

10 નંબરનું સિગ્નલ

ભારે જોરવાળું વાવાઝોડું બંદરથી અગર બંદર ઉપર થઈને પસાર થવાની શક્યતા છે. 

11 નંબરનું સિગ્નલ

તાર વ્યવહાર બંધ થાય. ખુબ ખરાબ હવામાનનો અનુભવ. અત્યંત ભયજનક ગણાય.