ચેતવણી / ફેસબૂકના ટ્રેન્ડિંગ 'કપલ ચેલેન્જ' પર સાયબર સેલે કહ્યું તસવીર અપલોડ કરશો તો...

• ફેસબૂકની ટ્રેન્ડિંગ કપલ ચેલેન્જ 
• સાયબર સેલે કહ્યું ન અપનાવો ચેલેન્જ 
• તસવીર મોર્ફ કરવાનો રહે છે ડર 

હાલમાં જ ફેસબૂક પર ચાલી રહેલા કપલ ચેલેન્જને લોકોનો ખુબ પ્રતિસાદ સાંપડી રહ્યો છે. લોકો તેમના પાર્ટનર સાથે તસવીર શૅર કરે છે અને અન્ય લોકોને પણ ટેગ કરે છે જેથી તેઓ પણ આ કપલ ચેલેન્જમાં ભાગ લે. આ મામલે પોલીસે ફેસબૂક યુઝર્સને ચેતવણી આપી છે. 

થઇ શકે છે દુરુપયોગ 
પોલીસનો દાવો છે કે,  આવા ફોટા મુકવાથી મોર્ફીંગની શક્યતા છે અને કપલ ફોટાનો દુરપયોગ થવાની પણ શક્યતા છે. પોલીસે ફેસબુક યુઝર્સને આ પ્રકારની પ્રવૃત્તિથી દુર રહેવા સૂચના આપી છે. બનાસકાંઠા, ગાંધીધામ, અમરેલી સાયબર સેલેની સતર્કતાની પોસ્ટ વાયરલ થઈ છે.હાલ ફેસબુકમાં કપલ ચેલેન્જનો ટ્રેન્ડ ચાલી રહ્યો છે.

આડેધડ કોઇ પણ ચેલેન્જમાં ભાગ લઇ લેવાથી કેટલીક વાર મુશ્કેલીનો સામનો પણ કરવો પડતો હોય છે. આ પ્રકારના ચેલેન્જ ઘણી વાર પોલીસના માથાનો દુખાવો બની જતાં હોય છે. ત્યારે કપલ ચેલેન્જને પોલીસે લાલ આંખ બતાવી અને યુઝર્સને આ ચેલેન્જ ન અપનાવવા હાકલ કરી છે. 

સાયબર સેલે આપી ચેતવણી 
પોલીસ સિવાય સાયબર સેલે પણ યુઝર્સને કહ્યું કે આ પ્રકારની ચેલેન્જનો ભાગ ન બનો અને બને ત્યાં સુધી ટાળો. કારણકે આ પ્રકારના ચેલેન્જમાં તસવીરોનો દુરુપયોગ થઇ શકે છે. જેથી નાગરિકોને તકલીફ ન પડે.