કિસ્સો ક્રિકેટનો / ક્રિકેટ જગતના આ મહાન ખેલાડીએ 3 ઓવરમાં 100 રન ફટકાર્યા હતા, કેટલાંય રેકોર્ડ છે નામે

• સર બ્રેડમેને લોકોને ક્રિકેટની એબીસીડી શીખવી હતી
• સચિન અને વોર્ન તેમના ગમતા ક્રિકેટરો હતા
• 22 બોલમાં સદી ફટકારી હતી

92 વર્ષની ઉંમરે દુનિયાને અલવિદા કહ્યું હતું.

આજથી લગભગ 20 વર્ષ પહેલા દુનિયાના એક મહાન અને આક્રમક બેટ્સમેન ક્રિકેટરે દુનિયાને અલવિદા કહ્યું હતું સમગ્ર દુનિયાના ચાહકો પોતાના હીરોને ગુમાવ્યાના શોકમાં હતું. દુનિયાને ક્રિકેટની એબીસીડી શીખવનાર સર ડોન બ્રેડમેનનો લોકો આભાર પણ માનતા હતા. કારણ કે તેમણે ક્રિકેટને એક નવી પરિભાષા શીખવાડી હતી. આક્રમક બેટ્સમેન તરીકે ઓળખાતા સર ડોન બ્રેડમેનનો 27, ઓગસ્ટ 1908માં ઓસ્ટ્રેલિયામાં જન્મ થયો હતો. અને નિમોનિયાના કારણે 92 વર્ષની ઉંમરે દુનિયાને અલવિદા કહ્યું હતું. 
 
ડિસેમ્બર 2000માં બિમાર હોવાને કારણે હોસ્પિટલમાં દાખલ કર્યા હતા અને ઉંમરના કારણે શરીરે પણ સાથ આપવાનો બંધ કરી દીધો હતો. અને ત્યારબાદ તેમને ઘરે લાવવામાં આવ્યા હતા. અને 25 ફેબ્રુઆરી 2001માં તેમણે અંતિમ શ્વાસ લીધા હતા. 

જિંદગીના અંતિમ ક્ષણમાં સચિનની મુલાકાત કરી હતી. 

ડોન બ્રેડમેનએ પોતાની જિંદગીના અંતિમ ક્ષણોમાં તે સમયના તેમના પસંદીદાર ક્રિકેટર સાથે મુલાકાત કરી હતી. જેમાંથી એક શેન વોર્ન હતાં અને બીજા સચિન તેંડુલકર હતા. જો કે 1997માં બ્રેડમેનની પત્નીનું અવસાન થયું હતું અને ઉંમરના આ પડાવમાં તે એકલા પડી ગયા હતા અને તેમણે તેમના 90માં જન્મદિન પર તેમણે આ બંને દિગ્ગજ ક્રિકેટરોની મુલાકાત લીધી હતી.

99થી વધારે બ્રેડમેનની એવરેજ હતી

બ્રેડમેન દુનિયાના એકમાત્ર એવા બેટ્સમેન હતા જે જેમની એવરેજ 99 ઉપર રહી છે. બ્રેડમેનના નામે બીજો એક રેકોર્ડ છે જે ભાગ્યે જ કોઈ બેટ્સમેન તોડી શકે. 1931માં બ્રેડમેને માત્ર 3 ઓવરમાં જ સદી ફટકારી હતી. બ્લેકહીથ ઈલેવન તરફથી રમતી વખતે આ કમાલ કર્યો હતો. તેમણે પોતાની ઇનિગ્સમાં 14 છક્કા અને 29 ચોક્કા સાથે 256 રન બનાવ્યા હતા. પરંતુ તે વખતે એક ઓવરમાં 6 બોલ નહિ પણ 8 બોલ ફેકવામાં આવતી હતી. એટલે કે બ્રેડમેને 24 બોલમાંથી 22 બોલમાં જ સદી ફટકારી દીધી હતી અને પ્રથમ ઓવરમાં 33, બીજી ઓવરમાં 40 અને ત્રીજી ઓવરમાં 27 રન બનાવ્યા હતા.