ભારતીય રિઝર્વ બેંકે KYC માટે ડોક્યૂમેન્ટ્સની નવી લિસ્ટ રજૂ કરી છે. જેની મદદથી તમે બેંક KYCનું કામ પૂરું કરી શકો છો. આરબીઆઈ દ્વારા રજૂ કરાયેલી આ લિસ્ટમાં NPR લેટરને KYC વેરિફિકેશન માટે માન્ય ડોક્યૂમેન્ટ ગણાશે. NPR ઓથોરિટી દ્વારા માન્ય લેટરની મદદથી તમે KYCની પ્રક્રિયા પૂરી કરી શકો છો. આ ડોક્યૂમેન્ટ્સનો ઉપયોગ તમે બેંકમાં એકાઉન્ટ ઓપન કરાવવા અથવા ક્રેડિટ કાર્ડ માટે અરજી કરવા પણ કરી શકો છો. જોકે, આરબીઆઈએ સ્પષ્ટતા કરી છે કે માત્ર NPR લેટરથી જ નહીં પણ અન્ય ડોક્યૂમેન્ટ્સથી પણ કેવાયસી પ્રક્રિયા પૂર્ણ કરી શકાય છે.
NPR લેટરથી કેવાયસી પ્રક્રિયા કરી શકાશે પૂર્ણ
આરબીઆઈએ NPR લેટરને KYC માટે માન્ય ગણાયું
કેવાયસીની પ્રક્રિયાને સરળ કરવા લેવાયો નિર્ણય
આ ડોક્યૂમેન્ટ્સની મદદથી પૂરી થઈ શકે છે કેવાયસી પ્રક્રિયા
જાન્યુઆરીમાં આરબીઆઈએ સૂચના આપી હતી કે, નો યોર કસ્ટમર (કેવાયસી) માટે ઉપયોગમાં લેવાતા ડોક્યૂમેન્ટ્સમાં આધાર કાર્ડ, ડ્રાઈવિંગ લાયસન્સ, વોટર આઈ ડી કાર્ડ, નરેગા જોબ કાર્ડ અને NPR લેટર સામેલ છે. આમાંથી કોઈપણ એક ડોક્યૂમેન્ટની મદદથી તમે બેંકમાં કેવાયસીની પ્રક્રિયા પૂર્ણ કરી શકો છો. આરબીઆઈએ આ ડોક્યૂમેન્ટ્સને માન્ય ડોક્યૂમેન્ટ્સ ગણાવ્યા છે.
થયો હતો આ વિવાદ
સત્તાવાર રીતે માન્ય દસ્તાવેજનો અર્થ એ છે કે, પાસપોર્ટ, ડ્રાઇવિંગ લાઇસન્સ, આધાર નંબર, ભારતના ચૂંટણી પંચ દ્વારા જારી કરાયેલ મતદાર ઓળખકાર્ડ, નરેગા જોબ કાર્ડ અથવા નેશનલ પોપ્યુલેશન રજિસ્ટરનો ઉપયોગ કેવાયસી માટે થઈ શકે છે. તાજેતરમાં, એક તેલુગુ અખબારમાં એક જાહેરાતમાં જણાવાયું છે કે, બેંક કેવાયસી પ્રક્રિયા માટે રાષ્ટ્રીય પોપ્યુલેશન રજિસ્ટર પત્ર રજૂ કરવો ફરજિયાત છે.
વીડિયો દ્વારા પણ થઈ શકે છે વેરિફિકેશન
સેન્ટ્રલ બેંકે તાજેતરમાં વીડિયો આધારિત ગ્રાહક ઓળખ પ્રક્રિયાની જાહેરાત કરી હતી. આરબીઆઈએ બેંક કેવાયસી માટે તેને ‘V-CIP’ નામ આપ્યું હતું. આ એક પ્રકારની ફેસ-ટૂ-ફેસ વેરિફિકેશન પ્રક્રિયા હશે, જેની મદદથી કેવાયસી વેરિફિકેશન કરવામાં આવશે.
શું છે કેવાયસી
તમને જણાવી દઈએ કે, નો યોર પ્રક્રિયા હેઠળ બેંકના ગ્રાહકોથી જરૂરી ડોક્યૂમેન્ટ્સનું વેરિફિકેશન કરવામાં આવે છે. જેથી બેંકની કોઈ પણ સર્વિસનો ખોટી રીતે ઉપયોગ ન થાય. આ નવું બેંક એકાઉન્ટ ઓપન કરાવતી વખતે થાય છે. પછી સમયાંતરે બેંક આ પ્રક્રિયા પૂરી કરે છે.