OMG / ગજબ કે'વાય! બે મોઢાં અને છ પગ વાળા આ વિચિત્ર વાછરડાને જોવા માટે દૂર દૂરથી આવે છે લોકો, જાણો કારણ

• યુપીના અલીગઢમાં ગાયનુ વાછરડુ આકર્ષણનુ કેન્દ્ર બન્યો
• વાછરડાના બે મોંઢા, બે પૂછડી અને છ પગ જોવા માટે સ્થાનિકોનો ધસારો
• નવરાત્રિ દરમ્યાન ગાયે એક વિચિત્ર વાછરડાને જન્મ આપ્યો

અલીગઢમાં એક ગાયનુ વાછરડું આકર્ષણનુ કેન્દ્ર બન્યું

જો કે, વાછરડાના જન્મના સમાચાર વાયુવેગે ફેલાતા સ્થાનિકોના ટોળેટોળા ભેગા થઇ ગયા હતા. આ મામલો થાના ચંડૌસ ક્ષેત્રના ગામ સૂરજપુરનો છે. અહીંના ખેડૂત શૈલેન્દ્રના ઘરે ગ્રામજનો એકઠા થયા છે. શૈલેન્દ્રની પાલતુ ગાયે નવરાત્રિ દરમ્યાન એક વિચિત્ર વાછરડાને જન્મ આપ્યો. જેના બે મોંઢા, બે પૂછડી અને છ પગ છે. જણાવવામાં આવ્યું છે કે આ સમાચાર ઝડપથી ક્ષેત્રમાં ફેલાઈ રહ્યાં છે. કોઈ આ ઘટનાને ધાર્મિક આસ્થા સાથે તો કોઈ વિજ્ઞાનના ચમત્કાર ગણીને જોઈ રહ્યાં છે. વાછરડાને જોવા દૂરદૂરથી લોકો આવી રહ્યાં છે. 

યુપીના ચંદૌલીમાં પણ આવ્યો હતો કેસ

મહત્વનું છે કે, ગયા વર્ષે 14 જૂને ઉત્તર પ્રદેશના ચંદૌલી જિલ્લામાં બે માથાવાળી ગાયનુ વાછરડુ  સ્થાનિકો માટે કુતુહુલનુ કેન્દ્ર બની ગયુ. જિલ્લાના નિયમતાબાદ બ્લોકના બરહુલી ગામમાં રહેતા અરવિંદ યાદવની ગાયે એક વાછરડાને જન્મ આપ્યો. જેના બે માથા એકબીજા સાથે જોડાયેલા છે અને બે મોંઢા, બે કાન અને ચાર આંખો હતી. ગત 14 જાન્યુઆરીએ છત્તીસગઢ રાજ્યના રાજનાંદગાંવ જિલ્લાના ગંડઈ ગામમાં એક અવિશ્વસનીય ઘટના ઘટી. અહીં એક જરસી ગાયે ત્રણ આંખવાળા વાછરડાને જન્મ આપ્યો હતો. આ અદભૂત વાછરડાને જોવા માટે મોટી સંખ્યામાં લોકો એકત્રિત થયા હતા.