રાજસ્થાનની જેલમાં બંધ આસારામનો કોરોના રિપોર્ટ પોઝિટિવ આવ્યો છે. તબીયત બગડ્યા બાદ તેમને હોસ્પિટલમાં દાખલ કરાયા છે.
જેલમાં બંધ આસારામને થયો કોરોના
તબીયત બગડ્યા બાદ કરાયા દાખલ
3 દિવસ પહેલા દેખાયા હતા લક્ષણ
બુધવાર સાંજે રિપોર્ટ આવ્યો પોઝિટિવ
80 વર્ષથી વધુની ઉંમર ધરાવતા આસારામને બેચેનીની ફરિયાદ બાદ તેમનો કોરોના રિપોર્ટ કરાવાયો હતો. કોરોનાના લક્ષણ અને વધતી શ્વાસની તકલીફને કારણે તેમને હોસ્પિટલમાં દાખલ કરાયા છે. બુધવારે સાંજે તેમનો કોરોના રિપોર્ટ પોઝિટિવ આવ્યો છે.
રાજસ્થાનની જોધપુર સેન્ટ્રલ જેલમાં બંધ આસારામની તબીયત બગડ્યા બાદ તેમને એમજીએચ કોવિડ સેન્ટર મોકલાયા છે. આસારામ કોરોના સંક્રમિત છે અને 3 દિવસ પહેલા તેમનામાં કોરોનાના લક્ષણો જોવા મળ્યા હતા. બુધવારે તેમનો રિપોર્ટ પોઝિટિવ આવ્યો છે.
ફેબ્રુઆરીમાં પણ કરાયા હતા દાખલ
આ પહેલી વાર નથી જ્યારે તેમને જેલમાંથી હોસ્પિટલમાં દાખલ કરાયા હોય. આ પહેલા પણ આ વર્ષના ફેબ્રુઆરીમાં તેમની તબિયત બગડતા તેમને મહાત્મા ગાંધી હોસ્પિટલમાં ઈમરજન્સી વોર્ડમાં દાખલ કરાયા હતા. ફેબ્રુઆરીમાં પણ તેમને શ્વાસની ફરિયાદ બાદ હોસ્પિટલ લઈ જવાયા હતા.
આ કેસમાં પહોંચ્યા છે જેલ
આસુમલ થાઉમલ હરપલાની ઉર્ફ આસારામ સગીર બાળકીના રેપ કેસમાં આજીવન કારાવાસની સજા કાપી રહ્યા છે. રેપ કેસમાં તેમને દોષી માનવામાં આવ્યા છે. આ સાથે તે નરબલિ, હત્યા જેવા અનેક કેસમાં પણ આરોપી છે. 2013માં રેપ કેસમાં ફસાયા બાદ આસારામના દિવસોએ બાજી પલટી હતી અને તેમની અધોગતિની શરૂઆત થઈ.