રાહત / કોરોનાને લઈને આવ્યા સારા સમાચાર, હવે 2 દિવસ નહીં માત્ર અઢી કલાકમાં થશે COVID-19ની પુષ્ટિ

• કોરોના વાયરસના ટેસ્ટની કિટ શોધાઈ 
• માત્ર અઢી કલાકમાં આવી જશે ચેપનો રીપોર્ટ
• કોરોના વાયરસના કારણે અત્યાર સુધી હજારોએ ગુમાવ્યા જીવ 

કોરોના વાયરસનો ટેસ્ટ કરવામાં આવે ત્યારે તેની પુષ્ટિ કરવામાં લાંબો સમય લાગે છે ત્યારે કોરોના વાયરસની કિટની મદદથી હવે તે સમયને ઘટાડી શકાશે. જર્મનીની એક કંપનીએ આ કિટ શોધી હોવાનો દાવો કર્યો છે. જે અનુસાર માત્ર અઢી કલાકમાં જ જાણી શકાય છે કે વ્યક્તિને ચેપ લાગ્યો છે કે નહીં

એક અહેવાલ મુજબ વોલ્ક્માર ડેનર નામના વ્યક્તિએ આ કિટનો દાવો કર્યો છે. તેમણે કહ્યું કે તેમની કંપની દ્વારા નિર્માણ કરવામાં આવેલ કિટની મદદથી ખૂબ ઝડપથી કોરોના વાયરસનો ટેસ્ટ કરી શકાશે. આ કિટની મદદથી દર્દીઓની ઓળખ ખૂબ જલ્દી કરી શકાશે.     

આ અહેવાલ મુજબ આ ડીવાઈસ જર્મનીમાં એપ્રિલ મહિનામાં ઉપલબ્ધ થઇ જશે અને આંતરરાષ્ટ્રીય બજારમાં આ ડીવાઈસ પણ ઉપલબ્ધ થઇ જશે. આ જ ડીવાઈસનો ઉપયોગ ઘણી બધી હોસ્પિટલ, લેબોરેટરીમાં ન્યૂમોનિયા અને વાઈરલ બીમારીઓના ટેસ્ટ માટે થતો રહ્યો છે.