ગુડ ન્યૂઝ / ભારતમાં આજથી કોરોના વેક્સિનનું બીજા તબક્કાનું ટ્રાયલ થશે શરૂ

• ભારતમાં આજથી બીજા તબક્કાનુ ક્લિનિકલ ટ્રાયલ
• કોરોના વેક્સિન કોવિશીલ્ડનુ ભારતમાં ક્લિનિકલ ટ્રાયલ
• ઓક્સફોર્ડ વેક્સિનનું બીજા તબક્કાનુ આજથી ક્લિનિકલ ટ્રાયલ

વેક્સીનને લઈને અનેક અટકળોનો દૌર શરૂ

સીરમ ઈન્સ્ટીટ્યૂટ ઓફ ઈન્ડિયામાં સરકાર અને વિનિયામક કેસમાં કેન્દ્રીય ઔષધિ માનક અને નિયંત્રણ સંગઠનની મંજૂરી મળી છે. 25 ઓગસ્ટ એટલે કે આજથી ક્લીનિકલ પરીક્ષણ શરૂ કરાશે. કેટલાક રિપોર્ટ્સમાં કહેવાયું છે કે સીરમ ઈન્સ્ટીટ્યૂટ ઓફ ઈન્ડિયાની વેક્સીન કોવિશીલ્ડ 73 દિવસમાં તૈયાર થઈને બજારમાં આવી જશે. કંપનીનું કહેવું છે કે આ એક અંદાજ છે. વેક્સીન બજારમાં ત્યારે જ આવશે જ્યારે ટ્રાયલ સફળ થશે અને રેગુલેટરી અપ્રુવલ મળી જશે.

ભારતમાં 17 સેન્ટર પર વેક્સીનનું ટ્રાયલ ચાલુ

એક રિપોર્ટમાં જણાવ્યા અનુસાર વાંદરાઓ પર આ વેક્સીનનું પરીક્ષણ અસરકારક પરિણામ આપી રહ્યું છે. તેમાં કોરોનાની પ્રતિ ઈમ્યુનિટી ડેવલપ થઈ હતી, માણસો પર ફેઝ 1 અને ફેઝ 2 ટ્રાયલ પૂરું થયું છે. ભારત, બ્રાઝિલ સહિત દુનિયાના અનેક દેશોમાં ફેઝ 3નું ટ્રાયલ ચાલી રહ્યું છે. 17 સેન્ટર્સ પર 1600 લોકો પર 22 ઓગસ્ટે ટ્રાયલ શરૂ થયું છે. દરેક સેન્ટર્સ પર 100 વોલેન્ટિયર્સ છે. નવેમ્બર સુધી ટ્રાયલ પૂરું થવાની આશા છે. પરિણામ સકારાત્મક રહ્યુ તો રેગુલેટરી અપ્રૂવલ બાદ વેક્સીનના લાર્જ સ્કેલ પર પ્રોડક્શન શરૂ કરીને આવનારા વર્ષમાં માર્કેટમાં આવી શકે છે. 

કોણે બુક કરી લીધી છે ઓક્સફર્ડની વેક્સીન

દુનિયાના અનેક દેશોએ આ વેક્સીન ખરીદવામાં રસ દાખવ્યો છે. યુનાઈટેડ કિંગડમે 100 મિલિયન ડોઝની ડીલ કરી છે. બ્રાઝિલ સરકારે પણ 127 મિલિયન ડોલરમાં 30 મિલિયન ડોઝ ખરીદવાનો કરાર કર્યો છે. યૂરોપિયન યુનિયનના અનેક દેશો પણ કરારનું વિચારી રહ્યા છે. ઓક્સફર્ડે કહ્યું છે કે યૂકેમાં આ વેક્સીનના ભાવ ઓછા રહેશે. 

ભારત પણ અનેક વેક્સીન બનાવનારાના સંપર્કમાં

કેન્દ્રીય સ્વાસ્થ્ય મંત્રી ડો. હર્ષવર્ધને કહ્યું કે અમારી એક વેક્સીન કેંડિડેટ ક્લીનિકલ ટ્રાયલના ત્રીજા ચરણમાં છે. સરકાર સીરમ ઈન્સ્ટિટ્યૂટ ઓફ ઈન્ડિયા સિવાય અનેક ફાર્મા કંપનીના સંપર્કમાં છે અને વધારે ડોઝ મેળવવા ઈચ્છે છે. જો ICMR અને ભારત બાયોટેક દ્વારા વિકસિત કરાયેલી કોવેક્સીન અને ઝાયડસ કેડિલાની 'ZyCoV-D' ટ્રાયલમાં સફળ રહે છે તો તેને પણ ઓર્ડર આપી શકાય છે.