તૈયારી / કોરોનાની સંભવિત ત્રીજી લહેરને લઇ તંત્ર અલર્ટ, અમદાવાદમાં બાળકોને લઈને શરૂ કરી આ કામગીરી

• કોરોનાની સંભવિત ત્રીજી લહેરને લઇ મહત્વના સમાચાર 
• સંભવિત ત્રીજી લહેરને લઇ તંત્ર અલર્ટ મોડ પર
• અમદાવાદ ગ્રામ્યમાં શરુ કરાયા બાળકોના સર્વે 

અમદાવાદ ગ્રામ્યમાં બાળકોના સર્વે શરૂ કરાયા છે. જેમાં અત્યાર સુધી દોઢ લાખથી વધુ બાળકોના સર્વે થયા છે. ત્યારે સર્વેમાં ચોંકાવનારા આંકડાઓ સામે આવ્યા છે કે 5 વર્ષના 1 હજાર 67 બાળકો હાઇ રિસ્કવાળા હોવાનું સામે આવ્યું છે. 

25 જૂન સુધીમાં 1 લાખ 59 હજાર 572 બાળકોનો સર્વે કરાયો
 
25 જૂન સુધીમાં 1 લાખ 59 હજાર 572 બાળકોનો સર્વે કરાયો છે. જેમાં અતિ કુપોષણવાળા 225 બાળકો. કુપોષણથી પીડિત 536 બાળકો અને હ્યદય, ડાયાબિટીસ, બ્લડ પ્રોબ્લેબ, કેન્સર જેવી બીમારીથી પીડાતા 307 બાળકો છે. જ્યારે જન્મથી અલગ અલગ બીમારીથી પીડાતા 218 બાળકો છે. ત્યારે આ બાળકોને આગામી દિવસોમાં સારવાર માટે હોસ્પિટલમાં ખસેડાશે.

ગત 24 કલાકમાં ગુજરાતમાં નોંધાયા 122 નવા કેસ 

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 122 નવા કેસ નોંધાયા છે, તો 3 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજેપણ સાજા થનારનો આંકડો વધુ છે. 

વડોદરામાં ડેલ્ટા પ્લસ વેરિયન્ટને લઈને તંત્ર એલર્ટ

વડોદરામાં ડેલ્ટા પ્લસ વેરિઅન્ટને લઈ તંત્રની ચિંતા વધી ગઈ છે. વાઘોડિયાના જરોદમાં NDRFના જવાનની 38 વર્ષીય પત્નીને કોરોના રિપોર્ટ પોઝિટીવ આવ્યો હતો પરતું આ રિપોર્ટમાં ઘાતક ડેલ્ટા પ્લસ વેરીઅન્ટ જોવા મળ્યો હતો આ રિપોર્ટ 56 દિવસ પહેલા મહારાષ્ટ્રમાંથી ગુજરાતમા આવતા કરાવ્યો યુવાનની પત્ની ગુજરાત આવવા કોરોનાનો RTPCR રિપોર્ટ કરાવ્યો હતો. પરંતુ રિપોર્ટ આવવામા દિવસો લાગતા જરોદ આવી પહોંચ્યા હતા. 

ભારતમાં ડેલ્ટા પ્લસ વેરિયન્ટના 51 કેસ 

ભારતમાં એક તરફ કોરોનાના કેસમાં ઘટાડો થઈ રહ્યો છે. પણ હવે ચિંતાનું કારણ બન્યો છે ડેલ્ટા પ્લસ વેરિઅન્ટ.. દેશમાં ડેલ્ટા પ્લસ વેરિઅન્ટના કેસ સતત વધી રહ્યા છે. અત્યાર સુધી દેશમાં 51 કેસ નોંધાઈ ચૂક્યા છે.. આ વેરિઅન્ટે નિષ્ણાતો અને સરકારને પણ ચિંતામાં મુકી દીધા છે.. 12 રાજ્યમાં ડેલ્ટા પ્લસ વેરિઅન્ટ પ્રવેશ્યો છે.. આ વેરિઅન્ટ ડેલ્ટાના મુકાબલે ઝડપથી ફેલાય છે. સંક્રમણ થયા બાદ ઝડપથી તે કોશિકાઓમાં પ્રવેશે છે. એવી પણ ચર્ચાઓ થઈ રહી છે કે ડેલ્ટા પ્લસ વેરિએન્ટ ત્રીજી લહેર પણ લાવી શકે છે.

કોરોનાના નવા વેરિએન્ટ ડેલ્ટા પ્લસનો ફફડાટ

કેન્દ્રીય આરોગ્ય સચિવે તેમના પત્રમાં લખ્યું છે કે આ મામલે જે પગલા લેવામાં આવશે તે વધુ કેન્દ્રિત અને કડક હોવા જોઈએ. તેમણે રાજ્યોને કોવિડથી ચેપગ્રસ્ત થયેલા લોકોનાં સેમ્પલ પૂરતા પ્રમાણમાં INSACOG હેઠળની લેબ્સમાં મોકલવા જણાવ્યું હતું જેથી ક્લિનિકલ રોગચાળા સંબંધી લિંક્સ સ્થાપિત થઈ શકે.મહત્વનું છે કે દેશમાં કોરોનાની બીજી લહેર વચ્ચે કોરોનાના નવા વેરિએન્ટ ડેલ્ટા પ્લસનો ફફડાટ વધી રહ્યો છે. દેશના 11 રાજ્યોમાં કોરોનાના ડેલ્ટા પ્લસ વેરિએન્ટના 50 જેટલા કેસ સામે આવી ચૂક્યા છે.