Coronavirus / ચીનમાં કોરોનાને કારણે મૃતાંક વધી રહ્યો છે ત્યારે ભારતે આપ્યા ખુશીના સમાચાર

• ચીનમાં કોરોનાનો આતંક યથાવત
• ભારતમાં કોરોનાની રસી શોધવામાં મળી સફળતા 
• 2022 સુધીમાં થઇ જશે તૈયાર

એવું જણાવવામાં આવ્યું છે કે કોરોનાના ઉપચાર માટે એસઆઈઆઈ-કોડાજેનિકસ દ્વારા વિકસિત સંભવિત રસી વાયરસના ચેપને રોકવા માટે સુરક્ષાકવચ બનાવવા માટે પ્રમાણમાં ટૂંકો સમયગાળો લે છે.

6 મહિનામાં હ્યુમન ટ્રાયલ લેવાશે

એસઆઈઆઈના માલિક અને સીઈઓ એડલ પૂનાવાલાએ જણાવ્યું છે કે આ રસી-વાયરસનું સ્ટ્રેન મૂળ કોરોના વાયરસ જેવું જ છે અને તે મજબૂત ઇમ્યૂન રિસપોન્સ આપે છે. તેમણે કહ્યું કે આ રસી 6 મહિનામાં હ્યુમન ટ્રાયલ માટે તૈયાર થઈ જશે. ત્યારબાદ, તે ભારતમાં આ પ્રકારની પહેલી રસી હશે, જે તેને આટલા ઝડપથી આ તબક્કે લાવવામાં સફળ રહી છે.

2022 સુધીમાં આકાર પામશે 

પૂનાવાલાએ જણાવ્યું હતું કે હ્યુમન ટ્રાયલ થયા બાદ તેને કેન્દ્રીય આરોગ્ય મંત્રાલયની મંજૂરીની જરૂર પડશે, ત્યારબાદ તેનો ઉપયોગ કોરોના વાયરસના તોડ તરીકે થઈ શકે છે. તેમણે કહ્યું કે માનવ શરીર પર રસીના અભ્યાસમાં પણ એક વર્ષનો સમય લાગશે. તેમણે 2022 ની શરૂઆતમાં રસી સંપૂર્ણ રીતે તૈયાર કરી લેવાની આશા વ્યક્ત કરી હતી. પૂનાવાલાએ જણાવ્યું હતું કે આ રસીનો વિકાસ સમકાલીન વિશ્વમાં વૈશ્વિક રોગચાળાને પ્રતિસાદ આપવાની ભારતની ક્ષમતાને પણ પ્રતિબિંબિત કરે છે.

ચીનમાં કોરોનાને કારણે 1800થી વધુ લોકોના મોત 

આપને જણાવી દઇએ કે, ચીનમાં જીવલેણ કોરોના વાયરસને કારણે મૃત્યુ દર 1,868 થયો છે. અત્યાર સુધીમાં કુલ 72,436 કેસની પુષ્ટિ થઈ છે. રાષ્ટ્રીય આરોગ્ય આયોગે (એનએચસી) કહ્યું કે 1,097 દર્દીઓ ખૂબ ગંભીર છે અને 11,741 દર્દીઓની હાલત ગંભીર છે. અત્યાર સુધીમાં કુલ 12,552 લોકોને સારવાર બાદ હોસ્પિટલમાંથી રજા આપવામાં આવી છે. સોમવાર સુધીમાં, હોંગકોંગમાં 60 કેસની પુષ્ટિ થઈ હતી, જ્યાં એક વ્યક્તિનું મોત નીપજ્યું છે.