મહામારીને કાબૂ કરવા માટે રાજ્યોમાં લોકડાઉન લગાવવાની શરુઆત કરી દેવામાં આવી છે. ક્યાંક નાઈટ કર્ફ્યૂ છે તો ક્યાંક શહેરમાં ટોટલ લોકડાઉન છે.
બુધવારે પહેલી વાર 1 લાખ 26 હજાર 198 કેસ આવ્યા
ક્યાંક નાઈટ કર્ફ્યૂ છે તો ક્યાંક શહેરમાં ટોટલ લોકડાઉન
નરેન્દ્ર મોદી આજે તમામ રાજ્યોમાં મુખ્યમંત્રીઓની સાથે મીટિંગ કરશે
દેશમાં બુધવારે પહેલી વાર 1 લાખ 26 હજાર 198 કેસ આવ્યા છે. ગત વર્ષ મહામારી શરુ થયા બાદ આ અત્યાર સુધીના સૌથી વધારે આંકડા છે. આ તમામની વચ્ચે મહામારીને કાબૂ કરવા માટે રાજ્યોમાં લોકડાઉન લગાવવાની શરુઆત કરી દેવામાં આવી છે. ક્યાંક નાઈટ કર્ફ્યૂ છે તો ક્યાંક શહેરમાં ટોટલ લોકડાઉન છે. આ દરમિયાન પ્રધાનમંત્રી નરેન્દ્ર મોદી આજે તમામ રાજ્યોમાં મુખ્યમંત્રીઓની સાથે મીટિંગ કરશે. મીટિંગ આજે સાંજે 6.30 વાગે થશે. આ મીટિંગમાં પીએમ તમામ સીએમ તથા ઉચ્ચ અધિકારીઓ સાથે વીડિયો કોન્ફરન્સિગના માધ્યમથી ચર્ચા કરશે. આ ઉપરાંત પીએમ મોદી રાજ્યોના મુખ્યમંત્રીઓ સાથે રસીકરણ માટે ચર્ચા કરશે.
જાણો કયા રાજ્યોમાં શું પગલા ભરાયા, ક્યાં છે લોકડાઉન
મહારાષ્ટ્ર
મહારાષ્ટ્રમાં વીએન્ડ પર લોકડાઉન લગાવવમાં આવી રહ્યુ છે. તેમજ રોજ રાતે 8થી સવારના 7 વાગ્યા સુધી નાઈટ કર્ફ્યૂ છે. રેસ્ટોરેન્ટ અને પબમાં બેસીને ખાણી પીણી બંધ. જમવાનું પાર્સલ લઈ જઈ શકો. રાજ્યમાં સ્કૂલો- કોલેજો બધુ બંધ છે. સાર્વજનિક કાર્યક્રમો પર પ્રતિબંધ. લગ્નમાં ફક્ત 50 લોકોને પરવાનગી.
ઉત્તર પ્રદેશ
ઉત્તર પ્રદેશમાં અનેક જગ્યાઓ પર નાઈટ કર્ફ્યૂ. 500 થી વધારે કેસ વાળા 13 જિલ્લામાં જિલ્લાધિકારીઓને નાઈટ કર્ફ્યૂ કરવાનો અધિકાર આપવામાં આવ્યો છે. તેમજ લખનૌમાં નાઈટ કર્ફ્યૂ આજથી અમલમાં મુકવામાં આવશે. જે રાતના 9થી સવારના 6 સુધી લાગુ રહેશે. આ સાથે કાનપુર અને વારાણસીમાં નાઈટ કર્ફ્યૂ.
દિલ્હી
દિલ્હીમાં સરકારે 30 એપ્રિલ સુધી રાતના 10થી સવારના 5 વાગ્યા સુધી નાઈટ કર્ફ્યૂ લાગૂ કર્યુ છે. તમામ સ્કૂલો -કોલેજો બંધ. ફક્ત જ્યાં પ્રેક્ટિકલ ચાલૂ છે તે સ્કૂલો ચાલુ રહેશે. સાર્વજનિક કાર્યક્રમ અને લગ્ન ખુલ્લી જગ્યામાં 200 લોકો અને બંધ જગ્યા પર 100 લોકોને પરવાનગી. કારની અંદર એકલા બેઠેલ વ્યક્તિએ પણ માસ્ક ફરજિયાત.
ગુજરાત
ગુજરાતમાં 20 શહેરોમાં 30 એપ્રિલ સુધી રાતના 8થી સવારના 6 વાગ્યા સુધી નાઈટ કર્ફયૂ લંબાવી દેવામાં આવ્યું છે. સરકારે 30 એપ્રિલ સુધી રાજનીતિક તથા સામાજિક સમારોહ પર પ્રતિબંધ લગાવ્યો છે. લગ્નમાં સંખ્યા ઘટાડીને 100 કરી દેવામાં આવી. અન્ય સભાઓમાં વધારેમાં વધારે 50 લોકોને પરવાનગી અપાઈ.
રાજસ્થાન
રાજસ્થાનમાં 5 એપ્રિલથી 19 એપ્રિલની વચ્ચે જિમ, સિનેમા હોલ, એમ્યૂજેમેન્ટ પાર્ક સ્વિમિંગ પુલ બંધ રહેશે. સરકારે 1થી 9માં ધોરણના ક્લાસ બંધ કરવાનો નિર્દેશ આપ્યો છે. સરકારે પોસ્ટે ગ્રેજ્યુએશન અને ગ્રેજ્યુએશનના લાસ્ટ યરને છોડીને તમામ ક્લાસ બંધ કર્યા છે. જો કે વિદ્યાર્થીઓને પ્રેક્ટિકલની પરવાનગી આપી છે. રેસ્ટોરન્ટ રાતે બંધ રહેશે પણ હોમ ડિલિવરીની પરવાનગી.
છત્તીસગઢ
છત્તીસગઢના રાયપુરમાં સંપૂર્ણ લોકડાઉન લગાવવાનો નિર્ણય લેવાયો છે. આદેશમાં કહેવામાં આવ્યું છે કે રાયપુર જિલ્લા અંતર્ગત સંપૂર્ણ વિસ્તારમાં 9 એપ્રિલે સાંજે 6 વાગ્યાથી 19 એપ્રિલ સાંજના 6 વાગ્યા સુધી કેન્ટોલમેન્ટ જોન જાહેર કરવામાં આવ્યું છે. આ દરમિયાન જિલ્લાની સીમા સીલ રહેશે. 11 દિવસોમાં મેડિકલ દુકાનોને ખોલવા માટે પરવાનગી રહેશે. લોકડાઉન દરમિયાન તમામ ધાર્મિક, સાંસ્કૃતિક અને પ્રવાસન સ્થળો બંધ રહેશે. ત્યારે દુર્ગમાં 6 એપ્રિલથી લોકડાઉન ચાલુ છે. જે 14 એપ્રિલ સુધી રહેશે.
મધ્ય પ્રદેશ
મધ્ય પ્રદેશમાં હવે સરકારી ઓફિસો 5 દિવસ ખુલશે. તમામ નગરીય વિસ્તારોમાં ગુરુવારે રાતે 10 વાગ્યાથી સવારના 6 વાગ્યા સુધી કર્ફ્યૂ લાગુ પડશે. રાજ્યના તમામ શાસકીય કાર્યાલય આગામી 3 મહિના સુધી સોમથી શુક્ર 5 દિવસ ચાલશે. શાજાપુરમાં તો 58 કલાક સંપૂર્ણ લોકડાઉન રહેશે.
પંજાબ
પંજાબમાં નાઈટ કર્ફ્યૂનો સમય લંબાવવામાં આવશે. રાતના 9થી સવારના 5 વાગ્યા સુધી રાતના સમયમાં કર્ફ્યૂ તમામ 22 જિલ્લામાં લાગૂ રહેશે. આ અત્યાર સુધી 12 જિલ્લામાં લગાવવામાં આવ્યુ હતુ. નવા પ્રતિબંધો અંતર્ગત બંધ જગ્યાઓ પર અંતિમ સંસ્કાર અથવા લગ્નમાં 50 અને ખુલ્લી જગ્યામાં 100 મહેમાનોને પરવાનગીના આદેશ 30 એપ્રિલ સુધી અમલમાં રહેશે.
ઓડિશા
ઓડિશા સરકારે 10 જિલ્લામાં રાત્રિ કર્ફ્યૂ લગાવ્યું છે. એક અધિકારીએ જણાવ્યું કે સુંદરગઢ, બરગઢ, ઝારસુગુડા, સંબલપુર, બલાંગીર, નૌપાડા, કાલાહાંડી, મલ્કાનગિરી, કોરાટપુર અને નબરંગપુર જિલ્લામાં રાતે 10 વાગ્યાથી સવારના 5 વાગ્યા સુધી કર્ફ્યૂ રહેશે. સ્વાસ્થ્ય સેવા નિર્દેશક વિજય પણિગ્રહીએ કહ્યું કે ઓડિશામાં છત્તીસગઢથી સીમાવર્તી જિલ્લાથી આવનારા કોવિડ 19 તપાસ કરાવવાની રહેશે.