કોરોના વાયરસથી રિકવર થયેલા મુંબઈના 4 હેલ્થ વર્કસને ફરીથી કોરોનાનું રી ઈન્ફેક્શન થયું હોવાનું જાણવા મળી રહ્યું છે. દિ લેંસેટના મેડિકલ જર્નલમાં પ્રકાશિત રિપોર્ટ અનુસાર 4 લોકોને પહેલાં કરતાં કોરોના સંક્રમણ આ વખતે વધારે ગંભીર સ્થિતિમાં જોવા મળ્યું છે.
ભારતમાં વધી રહ્યું છે કોરોના સંક્રમણ
રી ઈન્ફેક્શન વધુ ગંભીર હોવાનું આવ્યું સામે
દિ લેંસેટના મેડિકલ જર્નલમાં પ્રકાશિત રિપોર્ટમાં થયો ખુલાસો
રિપોર્ટ અનુસાર 4 રી ઈન્ફેક્ટેડ દર્દીઓમાંથી 3 ડોક્ટર્સ બીએમસીના નાયર હોસ્પિટલના છે. એક હેલ્થકેર વર્કર હિંદુજા હોસ્પિટલનો છે, આ સ્ટડી 2 હોસ્પિટલની સાથે ઈન્સ્ટિટ્યૂટ ઓફ જિનોમિક્સ એન્ડ ઈન્ટિગ્રેટિવ બાયોલોજી અને ઈન્ટરનેશનલ સેન્ટર ફોર જેનેટિક એન્જિનિયરિંગ એન્ડ બાયોટેક્નોલોજી દિલ્હીએ કર્યો છે. અહીં જીનોમમાં 39 મ્યુટેશન મળ્યા હતા.
4 હેલ્થવર્કસ ફરી થયા સંક્રમિત
રિપોર્ટમાં કહેવાયું છે કે 4 હેલ્થ વર્કસ ફરીથી સંક્રમિત થયા છે. તેઓમાં પહેલાં કરતાં વધારે સંક્રમણ જોવા મળ્યું છે. તેમની સ્થિતિ ઘણી નાજુક જોવા મળી છે. ફ્રંટ લાઈન હેલ્થ વર્કસ સતત SARS-CoV -2ના સંપર્કમાં રહે છે અને તેમને ફરીથી ઈન્ફેક્શનનો ખતરો પણ વધારે રહે છે.
ફરીવારની કોરોનાની સ્થિતિ ગંભીર હોય છે
ટેસ્ટના આધારે રી ઇન્ફેક્શનને કન્ફર્મ કરી શકાતું નથી. વાયરલ આઈસોલેટ્સના જીનોમ સિક્વેન્સિંગથી જ રી ઈન્ફેક્શનની જાણકારી મણળી શકે છે. કોરોના ઈન્ફેક્શન પહેલી વાર વિના લક્ષણ કે ઓછા લક્ષણવાળું હોય છે. જ્યારે ફરીવારની સ્થિતિ ગંભીર હોય છે. આ તમામ હેલ્થ વર્કસની અત્યારે સારવાર ચાલી રહી છે. ઉલ્લેખનીય છે કે તેમને શ્વાસ સાથે જોડાયેલી તરલીફ નથી. ન તો તેમની ઉંમર ઓછી હોવાના કાારણમે આવું થયું છે.
રી ઈન્ફેક્શનનો ખતરો આખી દુનિયામાં ફેલાયો
રી ઈન્ફેક્શનના કેસ આ સમયે આખી દુનિયામાં જોવા મળી રહ્યા છે. મહિનાની શરૂઆતમાં હોંગકોંગમાં જોવા મળ્યા. ભારતમાં પણ હવે તેનો કહેર જોવા મળી રહ્યો છે. જે લોકોને કોરોના સરળતાથી સંક્રમિત થયા છે તેમાં સ્પાઈક પ્રોટીન જાણીતું છે. D614Gમ્યુટેશનથી લોકોમાં વધારે ઈન્ફેક્શન ફેલાય છે. 4 લોકોમાં પહેલી વાર એકસાથે ગંભીર સંક્રમણ જોવા મળ્યું હતું.