Coronavirus / ભરૂચમાં કોરોના સંક્રમણનો વધ્યો કહેરઃ આજે 9 કેસ સામે આવતાં તંત્ર આવ્યું હરકતમાં

• ભરૂચમાં કોરોના સંક્રમણનો કહેર વધ્યો
• જિલ્લામા આજે વધુ 9 કેસ સામે આવ્યા
• કોરોનાથી ભરૂચ જિલ્લામાં 2 વ્યક્તિના મૃત્યું

ભરૂચમાં કોરોના સંક્રમણનો કહેર વધ્યો

ભરૂચમાં કોરોના સંક્રમણનો કહેર સતત વધી રહ્યો છે. ભરૂચ જિલ્લામાં આજે વધુ 9 કેસ સામે આવ્યા છે. ભરૂચમાં 5, અંકલેશ્વરમાં 2,વાગરમાં 1,  અને જબુંસરમા 1 કેસ સામે આવ્યો છે. ભરૂચમા જિલ્લામાં અત્યાર સુધીમાં કુલ કોરોનાના  219 કેસ નોંધાયા છે.

કોરોનાથી ભરૂચ જિલ્લામાં 2 વ્યક્તિના મૃત્યુ

અનલોક વનમાં કોરોનાના કેસની સંખ્યા સતત વધી રહી છે. કોરોના કેસનો આંકડો પાંચ લાખથી પાર થઇ ગયો છે. ભરૂચમાં કોરોનાના કારણે 2 યુવકના મૃત્યુ થયા છે. જેમાં એક આમોદનો યુવક છે.જ્યારે બીજો વસ્તી ખંડાલીને યુવક છે. ભરૂચ જિલ્લામાં અત્યારસુધી કુલ 13 લોકોના કોરોનાના કારણે મૃત્યુ થયા છે.

ગુજરાતમાં ગઇકાલ રાતના આંકડાની વાત કરીએ તો કોરોનાના દર્દીઓનો આંકડો 31 હજાર 397એ પહોંચ્યો હતો. રાજ્યમાં અત્યાર સુધી 22 હજાર 808 લોકોએ કોરોનાને મ્હાત આપી છે. રાજ્યમાં કોરોનાથી 1809 લોકોના મૃત્યું થયા છે. હાલમાં કોરોનાના 6780 એક્ટિવ કેસ છે. હાલમાં 71 દર્દીઓ વેન્ટિલેટર પર છે, જ્યારે 6709 દર્દીઓની હાલત સ્થિર છે.

રાજ્યમાં કોરોનાના સૌથી વધુ અમદાવાદમાં 20 હજાર 480 કેસ નોંધાયા છે. વડોદરામાં 2165, સુરતમાં 4424, રાજકોટમાં 250, ભાવનગરમાં 248, આણંદમાં 196, ગાંધીનગરમાં 636, પાટણમાં 175, ભરૂચમાં 212, નર્મદામાં 89, બનાસકાંઠામાં 176, પંચમહાલમાં 170, છોટાઉદેપુરમાં 55, અરવલ્લીમાં 196, મહેસાણામાં 259, કચ્છમાં 151, બોટાદમાં 85, પોરબંદરમાં 16, ગીર-સોમનાથમાં 70, દાહોદમાં 59, ખેડામાં 146, મહીસાગરમાં 136, સાબરકાંઠામાં 169, નવસારીમાં 93, વલસાડમાં 129, ડાંગમાં 4, દ્વારકામાં 20, તાપીમાં 8, જામનગરમાં 192, જૂનાગઢમાં 90, મોરબીમાં 20, સુરેન્દ્રનગરમાં 129 અને અમરેલીમાં 72 કેસ નોંધાયા છે.