કોરોના વાયરસના કકળાટની વચ્ચે, ઘણી કંપનીઓ તેમના સ્ટાફને ઘરેથી કામ કરવા કહી રહી છે. તે જ સમયે, ફેસબુકે કહ્યું છે કે તે ઘરેથી કામ કરવામાં મદદ કરવા માટે તેના તમામ સ્ટાફને 74000 રૂપિયાનું બોનસ આપશે.એક મીડિયા અહેવાલ મુજબ સીઇઓ માર્ક ઝુકરબર્ગે તેના સ્ટાફને મોકલવામાં આવેલી ઈન્ટરનલ નોટમાં આ અંગે જાહેરાત કરી છે.
ફેસબુક આપી રહી છે કર્મચારીઓને બોનસ
કોરોના વાયરસની વચ્ચે ફેસબુકના કર્મચારીઓમાં આનંદો
માર્ક ઝુકરબર્ગે કોરોનાની અસરની ઝપેટમાં આવનારી કંપનીઓને કરી મદદ
જાન્યુઆરી સુધીના ડેટા અનુસાર, ફેસબુકમાં લગભગ 45,000 ફુલટાઇમ સ્ટાફ છે. પરંતુ આ સિવાય કેટલાક હજાર લોકો કોન્ટ્રાક્ટ પર કામ કરી રહ્યાં છે. ત્યારે કોન્ટ્રાક્ટ પર કામ કરતા લોકોને આ બોનસ મળશે કે નહીં તે જાણી શકાયું નથી.
જોકે, ફેસબુક સિવાય અન્ય ટેક કંપનીઓ પણ કર્મચારીઓને બોનસ આપી રહી છે. વર્કડે (Workday) નામની સોફ્ટવેર કંપનીએ પણ સોમવારે કહ્યું હતું કે તે કર્મચારીઓને બે અઠવાડિયાનો વધારાનો પગાર બોનસ આપશે.
ત્યારે મંગળવારે, ફેસબુકએ જાહેરાત કરી હતી કે તે કોરોના વાયરસથી અસર પામેલા નાના વ્યવસાયને સહાય રૂપે 739 કરોડની મદદ કરશે. ફેસબુક 30 હજાર એલિજેબલ બિજનેસને રોકડ આપશે અને એડ ક્રેડિટ આપશે.
કોરોના વાયરસને કારણે ફેસબુકને અસર થઈ છે. કંપનીના શેરમાં 28 ટકાનો ઘટાડો જોવા મળ્યો છે. 27 ફેબ્રુઆરીએ ફેસબુકે તેની વાર્ષિક સોફ્ટવેર ડેવલપર્સની કોન્ફરન્સ પણ રદ કરી દીધી હતી.
માર્ચની શરૂઆતથી, ફેસબુક તેના સ્ટાફને ઘરેથી કામ કરવા સૂચના આપી હતી. ફેસબુકે તાજેતરમાં જ મેડિકલ ફેસ માસ્ક માટેની જાહેરાતો પર પ્રતિબંધ મૂક્યો હતો. વિશ્વભરમાં, કોરોના વાયરસના ચેપના એક લાખ 84 હજારથી વધુ કેસ નોંધાયા છે. ડબ્લ્યુએચઓ ના છેલ્લા આંકડા મુજબ 7529 લોકો કોરોનાથી મૃત્યુ પામ્યા છે.
તે જ સમયે, ભારતમાં કોરોના વાયરસના ચેપના કેસોમાં સતત વધારો થઈ રહ્યો છે. અત્યાર સુધીમાં 141 કોરોનાના દર્દીઓ સામે આવ્યા છે. દેશના જુદા જુદા ભાગોમાં કોરોના વાયરસના ચેપથી બચવા માટે શાળાઓ અને કોલેજોને બંધ રાખવાનો આદેશ આપવામાં આવ્યો છે.