કોરોના વાયરસને કારણે દેશભરમાં લોકડાઉન ચાલી રહ્યું છે. જેથી પોતાના વતન અને ઘરથી દૂર લાખો લોકો બીજા રાજ્યોમાં ફસાયેલા છે. જેના કારણે ખાસ કરીને પરપ્રાંતીય મજૂરોને ખૂબ હાલાકી ભોગગવી પડી રહી છે. ઘણાં મજૂરો તો ખભા પર સામાન લઈને પગપાળા કરીને પોતાના વતન જવા નીકળી પડ્યાં છે. ત્યારે હવે સરકારે પણ આ લોકોને ઘરે પહોંચાડવાની કોશિશ શરૂ કરી દીધી છે. જેમાં બોલિવૂડ એક્ટર સોનુ સૂદ પણ આ મજૂરોની મદદ માટે આગળ આવ્યો છે.
બોલિવૂડ એક્ટર સોનુ સૂદએ ફરી દેખાડી દરિયાદિલી
સોનુ સૂદે પરપ્રાંતીય મંજૂરોને તેમના વતન પાછા મોકલ્યા
રસ્તાઓ પર રઝડતાં મજૂરો માટે સોનુએ કરી બસની વ્યવસ્થા
તમને જણાવી દઈએ કે, એક્ટર સોનુ સૂદ મજૂરોને તેમના વતન મોકલવા માટે 10 બસની વ્યવસ્થા કરી આપી છે. જેથી મજૂરો તેમના વતન પહોંચી જાય. એક્ટ્રેસ કવિતાએ આ સંબંધી એક તસવીર પણ શેર કરી છે. જેમાં સોનુ સૂદને જોઈ શકાય છે. એ ત્યાં પહોંચ્યો અને મજૂરોના હાલચાલ પૂછ્યા. સોનુ સૂદ હાથ હલાવીને પ્રવાસીઓને અલવિદા કહી રહ્યો છે. બસમાં બેઠેલા લોકો પણ સોનુને હાથ હલાવીને અલવિદા કહી રહ્યાં છે.
That's @SonuSood sending migrants by buses hired by him with all permissions from the respective states govts for their travels ! A compassionate human, an Actor by profession doing someone else's job because he has a Heart !! Lots of love and respect to you buddy🙏❤ pic.twitter.com/mQHH2K2aNY
કવિતાએ આ તસવીર શેર કરીને લખ્યું- આ સોનુ સૂદ છે. સરકારથી પરમિશન લીધા બાદ સોનુએ આ મજૂરોને તેમના વતન પહોંચાડ્યા હતા. એક દયાળુ માણસ, વ્યવસાયે અભિનેતા જે કોઈ બીજાનું કામ કરી રહ્યો છે કારણ કે, તેની પાસે હૃદય છે. તમને જણાવી દઈએ કે, સોનુએ આ મજૂરોની મુસાફરી અને ભોજનનો પણ પ્રબંધ કર્યો હતો.
સોનુએ પહેલી વખત આવું નેક કામ નથી કર્યું. આ પહેલાં પણ સોનુ સૂદે દરિયાદિલી દેખાડી છે. તેણે થોડાં સમય પહેલાં જ તેની મુંબઈ સ્થિત હોટલ મેડિકલ સ્ટાફને રહેવા માટે આપી હતી. આ સિવાય તે લોકડાઉનમાં ફસાયેલા લોકોને ભોજન પણ આપી રહ્યો છે. સાથે જ તેણે થોડાં સમય પહેલાં જ જાહેરાત કરી હતી કે તે રમઝાનના પવિત્ર મહિનામાં રોજ 25 હજાર લોકો માટે ભોજનનો બંદોબસ્ત કરશે.