કોરોના વાયરસને લઇને જ્યાં રાજ્યભરમાં લોકડાઉનની સ્થિતિ જોવા મળી રહી છે ત્યારે તેને લઇને રસ્તાઓ સુમસામ જોવા મળી રહ્યાં છે. જો કે બીજી તરફ લોકડાઉનના પગલે રાજ્યમાં છેલ્લા 10 દિવસમાં વીજ વપરાશમાં ઘટાડો જોવા મળી રહ્યો છે. જો કે રાજ્યના ઉર્જા મંત્રીએ વીજ યુનિટને લઇને મોટી જાહેરાત કરી છે.
ઉર્જા મંત્રી સૌરભ પટેલની વીજ યુનિટને લઇ મોટી જાહેરાત
BPL કાર્ડધારકોના કુટંબના પરિવાર માટે કરાઇ જાહેરાત
રાજ્યના ઉર્જા મંત્રી સૌરભ પટેલે વીજ યુનિટને લઇને BPL કાર્ડધારકોના કુટંબના પરિવાર માટે મોટી જાહેરાત કરી છે. જેમાં સૌરભ પટેલે જાહેરાત કરતાં કહ્યું કે માસિક 50 યુનિટ દીઠ સુદી 1.50 પૈસાનો ભાવ લેવાશે. જે અગાઉ 30 યુનિટ પર 1.50 પૈસા વસુલવામાં આવતાં હતા.
આમ હવે BPL કાર્ડધારકોના કુટંબના પરિવારને પહેલા જે 30 યુનિટ માટે આપવા પડતાં હતા તે હવે માસિક 50 યુનિટ દીઠ ચુકવવા પડેશે.
ઉર્જા મંત્રી સૌરભ પટેલે આ સાથે ખેતીવાડીમાં લિફ્ટ ઓરિગેસનામાં યુનિટ દીઠ ઘટાડો કર્યો હોવાનું જણાવ્યું. આ સાથે ઉર્જા મંત્રીએ રાત્રે ઉદ્યોગોમાં વપરાતી વિજળીમાં પણ લાભ અંગે અપાશે તેમ જણાવ્યું હતું.
ઉલ્લેખનીય છે કે રાજ્ય સરકાર દ્વારા ગુજરાતના વીજ વપરાશકારોને રાહત આપતો મહત્વપૂર્ણ નિર્ણય કરવામાં આવ્યો હતો. રાજ્ય સરકાર દ્વારા વીજ બીલ ભરવાની તારીખ લંબાવવામાં આવી છે. રાજ્યમાં જેમને GEB એટલે કે ગુજરાત ઇલેકટ્રીક સિટી બોર્ડના વીજ બિલ ભરવાના થાય છે. તેમની માર્ચ અને એપ્રિલ મહિનાના બીલ ભરવાની મુદત તા. 15મી મે સુધી કરવામાં આવી છે.
તેમજ જો બીલ નિયમિત ન ભરાય તો પેનલ્ટી કે કનેકશન કાપી નાખવાની બાબત પણ મોકૂફ રાખવામાં આવી છે. આ ઉપરાંત વેપાર ઉદ્યોગો અને નાના દુકાનધારકો જેમને GEBના બીલ ભરવાના થાય છે તેમને એપ્રિલ મહિનાના બીલમાં ફીકસ ચાર્જ લેવામાં આવશે નહિ,માત્ર વપરાશનું બીલ જ તેમણે ભરવાનું રહેશે.